Folksliet
In folksliet is in liet dat in symboal is foar in folk of gebiet, faak in steat.
Nasjonale folkslieten wurde faak spile om immen yn internasjonaal ferbân eare oan te dwaan. Dit kin bygelyks wêze by de ûntfangst fan in lieder fan in oar lân, of by in ynternatsjonaal sportevenemint, of in sportoerwinning. Fierders wurde folkslieten spile om de mienskip te befêstigjen.
By it spyljen fan it folksliet wurde harkers achte op te stean. Is de gelegenheid in betinking, dan saluearje militêren dy't troch it folksliet fertsjinwurdige wurde, wylst oaren stil binne. Is de gelegenheid in fiering, dan sjonge dejinnigen dy't fertsjinwurdige wurde troch it folksliet mei it liet mei. Meast wurde mar ien kûplet, soms twa kûpletten spile, en songen, al binne de measte folkslieten langer as dat.
It komt faak foar dat twa lieten in folksliet-eftige funskje hawwe, mei ien liet rjochte op it regear en it folk, wylst it oar rjochte is op it gebiet. Denemark is lykwols it ienige lân dat ek offisjeel twa folkslieten hat.
