Brune Ikepaazje
Brune Ikepaazje | ||||||
---|---|---|---|---|---|---|
taksonomy | ||||||
|
||||||
soarte | ||||||
Satyrium ilicis |
De Brune Ikepaazje (Satyrium ilicis) is in flintersoarte yn it skaai Satyrium.
Ynhâld |
[bewurkje seksje] Foarkommen
De Brune Ikepaazje kin net maklik sjoen wurde. It is mar in lyts flinterke dat net heech tusken de beammen yn fleant. De Brune Ikepaazje fleant dêr't ikebeammen binne en jonge oanplant. Se binne op dit momint te finen yn de dunen en Súd-Limburch. Sûnt 2001 hat de flinter in nije populaasje, yn de Pettemer Bosk.
Op de reade list stiet de Brune Ikepaazje as bedrige.
[bewurkje seksje] Flinter
De wjuklingte is ûngefear 16 mm. Op de efterwjuk sitte reade moanneflekjes. Op de ûnderkant fan de efterwjuk sit in rige tinne wite plakjes. By de sturt sit almeast in blau plak. De wyfkes hawwe op de boppekant fan de foarwjuk in oranje plak. De flinter hat in opfallend lang libben; de flinter kin wol 42 dagen âld wurde.
[bewurkje seksje] Fleantiid
De flinter is te sjen fan begjin juny ôf oant ein augustus, foaral tusken 1 en 25 july. De Brune Ikepaazje fleant altyd yn ien generaasje.
[bewurkje seksje] Rûp
De rûp groeit yn it foarjier en yn de foarsimmer. It aaike oerwintert oan de tûken fan de Ikebeam. Sa gau at de knoppen fan de Iik iepengeane kin de rûp begjinne mei fretten. De rûp is brún en ûnopfallend.
De rûp fret allinnich fan de Iik.