Graziadio Isaia Ascoli

De Vichipedie, la enciclopedie libare dute in marilenghe.

Graziadio Isaia Ascoli (Gurize, ai 16 di lui dal 1829 - Milan, ai 21 di zenâr dal 1907)

Furlan di religjon ebraiche, patriot, glotolic, docent di lenghistiche a Milan, Senadôr dal Ream. Al è il creadôr de sience glotologjiche in Italie (tal 1873 al fondà l'“Archivio glottologico italiano”, tal prim volum dal nom "Saggi ladini" al individuà lis lenghis ladinis e tal tierç la lenghe franc-provençâl).

Al tacà a insegnà a l'academie sientific-leterarie di Milan fin dal 1861.

A si ocupà des lenghis indi-europeichis, dal ebraic, dal turc, dal cinês e des lenghis dravidichis. aL è so il mert di vê dat al furlan il status di lenghe autonome e la soo partignince al trop des lenghis ladinis (che a cjapin dentri ancje il romanç dal Grison svuizar e il ladin dolomitan dal Sut-Tirol) delineanint i trats fonetics e morfologjics.

Di zovin al scrivè ancje: "Sull'idioma friulano e sulla sua affinità con la lingua valacca" (Udin 1846) rineât di vieli; "Gorizia italiana tollerante concorde. Verità e speranze nell'Austria del 1848" (Gurize 1848), oparis d'intarès furlan.

E je soo l'individuazion de Vignesie Julie tal (e al propugnarà l'intervent armât par liberâle).

Tal 1899, po, al propognè une division "studiade cun rigôr" jenfri Sclâfs e Talians.

Tal 1901 Milan a i dè la citadinance onorarie.

A lui e je dedeâde la Societât Filologjiche Furlane, nassude a Gurize tal 1919.

Al disè: "I SOI NASSUT A GURIZA DI GJENITORS ISRAELITS, I SOI FI DAL FRIUL E I MI GLORI DI CHEST".