Dialets todescs dal Friûl
De Vichipedie, la enciclopedie libare dute in marilenghe.
Tal Friûl a si cjatin dai puescj dulà che si fevelin dai dialets todescs. O vin sei une schirie di isulis lenghistichis in mieç di un teritori dulà che si fevele nome furlan, sei des zonis che no jerin furlanis fin a la prime vuere mondiâl.
[cambie] Isulis lenghistichis in Cjargne.
Si trate di puescj che a son stâts abitâts da int che e fevelave todesc in tal alt de etât di mieç. La popolazion e à par solit braure dal so dialet gjermanic ma a fevele ancje il furlan e a si considere cjargnele. Chestis isulis a son:
- Sapade in provincie di Belun ma di simpri sot la arcidiocesi di Udin.
- Sauris, che e jê la plui isolade des comunitâts todescjis e che e à mantignût une lenghe gjermaniche une vore arcaiche: il sauran.
- Timau in comun di Paluce dulà che si fevele il timavês, un dialet de famee carinziane. Tal asîl e te scuele primarie si fasin des oris sei par timavês sei par furlan.
[cambie] La Val cjanâl.
Articul principâl Valcjanâl
La val cjanâl e jere clamade la Carinzie Cisalpine. Tal censiment dal 1910 i trê cuarts de int si diseve carinziane, scuasit un cuart slovene e nome ce che al restave a si diseve talian. Te zone il plurilenghisim todesc sloven e in part furlan, al jere avonde comun.
Dopo la anession a la Italie de prime vuere mondiâl e de politiche nazionaliste taliane la composizion etniche a je stade dal dut scombussulade tant che tal 1970 si disevin di lenghe todescje o slovene fra il 10 e il 15 par cent de popolazion.
|
|||
|
Lenghe furlane |
