Biblie

De Vichipedie, la enciclopedie libare dute in marilenghe.

La Biblie al è il libri plui vendût dal mont che al cjape dentri di se plusôrs libris a seconde des confessions cristianis e ebraichis. I libris da la Biblie a son ancje clamâts Sacris Scrituris parcè che Cristians e Ebreus a crodin che a sedin inspirâts di Diu. I Ebreus no ricognossin come vêr il Gnûf testament, al ven a stâi la peraule di Jesu Crist e dai siei apuestui, ma a si ricognossin nome tal Vecjo Testament.

Il tiermin talian "Bibbia" al derive, zontraviers il latin, da la peraule greche biblìa che a significhe "libret". Cheste a so volte a derive da biblos che a segnave la part didentri de plante dal papîr, da le cuâl a si tire fûr un gjenar di cjarte.

Par sancirâ cuai libris a dovevin jentrâ inte Biblie, al è stât stabilît un canul (canone), che al definìs setantedoi libris come fasint part des Sacris Scrituris, dividûts in Vecjo Testament (45) e Gnûf Testament (27).

Altris intal canul a fasin jentrâ dome sessantesîs libris ripartîs in Scrituris Ebraichis (39) e Scrituris Grechis Cristianis (27), chei altri sîs a vegnin ritignûts apocrifs.

[cambie] Composizion (canul)

Par la maiorance dal cristianisim i libris de Biblie a son cussì ripartîts:

Vecjo Testament

Pentateuco:
- Gjenesi, Esodi, Levitic, Numars, Deuteronomi;

Libris storics:
- Josuè, Judiç, Rut, Samuêl 1 e 2, Res 1 e 2, Cronachis 1 e 2, Esdre, Tobie, Judite, Ester, Maccabeos 1 e 2;

Libris didatics:
- Jop, Salms, Proverbis, Eclesiaste, Grande Cjante, Sapience, Eclesiastico;

Libris profetics:
- Isaie, Jeremie, Vaiudis, Baruc, Ezechiêl, Danêl, Osee, Joel, Amos, Abdie, Jone, Michee, Naum, Abacuc, Sofonie, Ageu, Zacarie, Malachie;

Gnûf Testament

Libris legâi:
- cuatri vanzelets: S. Mateu, S. Marc, S. Luche, S. Zuan;

Libris storics:
- Ats dai apuestui;

Libris didatics:
- Letaris di Pauli: ai Romans, ai Corinti 1 e 2, ai Gjalats, ai Efesins, ai Filipets, ai Colossets, ai Tesalonicês 1 e 2, a Timoteu 1 e 2, a Tît, ai Ebreus;
- Altris letaris: di S. Jacum, di S. Pieri 1 e 2, di S. Zuan 1 e 2 e 3, di S. Jude;