Michael Cimino

Wikipedia(e)tik

Michael Cimino (New York, 1943ko azaroaren 16 -haren biografia ofizialaren arabera- edo 1939ko otsailaren 3) Amerikako Estatu Batuetako zinema zuzendaria da, Oscar sariaren irabazlea.

Haren biografia 1970eko hamarkadako Hollywoodean ziztu biziko gorakaden eta beherakaden eredua da. Bi filmen gidoiak baino ez idatzita, Thunderbolt and Lightfoot filmean Clint Eastwood zuzendu zuen. Haren bigarren filmak, The Deer Hunter izenekoak, kritika beroenak erdietsi zituen, eta hari esker Oscar andana irabazi zuen, tartean zuzendariarena.

Kreditu horretan oinarrituta, United Artists estudioak libre utzi zuen Ciminoren hurrengo filmerako, Heaven's Gate. Emaitza estudioren ia-ia porrot ekonomikoa izan zen. Filma Hollywoodeko kontrol gabeko egoeraren adibide ezinhobea zen. Gainera, film horrek oso eragin txarra ere izan du Ciminoren hurrengo filmen gainean, zeinek kritikagileen beldurragatik edo, ez dute oso arrakasta handirik izan.

[aldatu] Filmografia

• Thunderbolt and Lightfoot (1974)
• The Deer Hunter (1978)
• Heaven's Gate (1980)
• The Pope of Greenwich Village (uncredited) (1984)
• Year of the Dragon (1985)
• The Sicilian (1987)
• Desperate Hours (1990)
• The Sunchaser (1996)