Azalera eta bolumenaren arteko erlazioa
Wikipedia(e)tik
Azalera eta bolumenaren arteko erlazioa arazo fisiko bat da. Har dezagun adibide bat ikusteko:
- Demagun metro bateko aldea duten 6 karraturekin kubo bat eraikitzen dugula.
- Bere bolumena kalkulatzeko: 1 x 1 x 1 = 1 m3
- Bere azalera osoa: 6 x (1 x 1) = 6 m2
- Euren arteko erlazioa: 6 / 1 = 6
- Demagun kuboak 3 metro neurtzen duela, hau da, 3 aldiz handiagoa dela alde bakoitza:
- Bere bolumena: 3 x 3 x 3 = 27 m3
- Bere azalera: 6 x (3 x 3) = 54 m2
- Euren arteko erlazioa: 54 / 27 = 2
- Demagun kuboak 6 metro neurtzen duela, hau da, hasierakoa baino 6 aldiz handiagoa dela alde bakoitza:
- Bere bolumena: 6 x 6 x 6 = 216 m3
- Bere azalera: 6 x (6 x 6) = 216 m2
- Euren arteko erlazioa: 216 / 216 = 1
Hortik aurrera bolumena azalera baino azkarrago handitzen da.
Arazo hau edozein estrukturaren dimentsioekin harremanetan dago. Adibidez, armiarma batek ezin ditu 5 metroko hankak eduki, bere pisua bolumenarekin hazten delako baina oinaren presioa azalerarekin. Era berean ezin da handitu nahi haina eraikin bat fenomeno hau kontutan hartu gabe.
Hainbat izakirentzat hazteko arazo bat sortzen du. Artropodo gehienek bere azalera erabiltzen dute arnas hartzeko. Hortik barruko zelula guztietara heldu behar da, eta beraz izakia 6 aldiz gehitzen bada, bere zelula kopuru eta azalaren arteko erlazioa 1/6a da eta modu honetan airea ezin da zelula guztietara heldu.
