Y Tywysog Siarl, Tywysog Cymru

Oddi wrth Wicipedia, y gwyddoniadur rhydd.

Mab y Frenhines Elisabeth II o'r Deyrnas Unedig yw'r Tywysog Siarl, Tywysog Cymru (Charles Philip Arthur George Mountbatten-Windsor) (ganwyd 14 Tachwedd, 1948).

Cafodd ei eni ym Mhalas Buckingham, gyda'r teitl Y Tywysog Siarl o Gaeredin.

Gelwir ef yng Nghymru yn aml yn Carlo, ar ôl cân enwog Dafydd Iwan o'r un enw, a oedd yn boblogaidd iawn yng Nghymru adeg ei arwisgo yn 1969.

Daeth ei arwisgo yn fater gwleidyddol a dadleuol iawn. Roedd twf Plaid Cymru a Chymdeithas yr Iaith yn ofid i'r Blaid Lafur a gwelodd George Thomas, Ysgrifennydd Gwladol Cymru ar y pryd, gyfle i wrthweithio'r tyfiant hwn wrth drefnu arwisgo'r tywysog yng Nghaernarfon yn 1969. Roedd y genhedlaeth ifanc o genedlaetholwyr yn gweld hyn yn sarhâd ar Gymru ac ar yr iaith.

Bu George Thomas yn ddigon cyfrwys i gael y tywysog yn fyfyriwr yng ngholeg Aberystwyth am dri mis i ddysgu'r Gymraeg. Ond pan ymwelodd y tywysog ag Eisteddfod yr Urdd a gwneud ei araith yn Gymraeg protestiodd nifer o'r bobl ifanc a cherdded allan. Cynhaliwyd rali enfawr yn erbyn yr arwisgo yng Nghilmeri.

Fe ddaeth Siarl i Aberystwyth er mwyn astudio'r Gymraeg.

[golygu] Gwragedd

• Diana, Tywysoges Cymru (1961 - 1997)
• Camilla, Duges Cernyw (1947 - )

[golygu] Plant

• Y Tywysog Gwilym o Gymru (ganwyd 21 Mehefin, 1982)
• Y Tywysog Harri o Gymru (ganwyd 15 Medi, 1984)

Rhagflaenydd: Edward

Tywysog Cymru 1958 – heddiw

Olynydd: ''