Santa di u Niolu

From Wikipedia

Palagrinaghju celebratu tutti l'anni in Casamàccioli, u 18 Sittembre, chi acolta ancu affullanza numarosa.

[edit] Storia

A sò origine hè ligata à u traslocu d'una stàtula di Nostra Donna di a Stella. I mònachi cù i pastori anu decidatu di traslucà a stàtula in u Niolu. I paesi si disputavanu l'onore d'avè a stàtula. U prete guardianu di u cunventu fù caricà a stàtula nant'a una mula ch'elli suvitavani i mònachi è i fideli à un "tiru di fucile". Cullendu u chjassu di l'impiaghjera, pàssanu u Ciòttulu di i Mori à 2000 metri d'altezza è francanu u Golu pà ghjunghje in Casamàccioli. E a mula se piantata ghjustu davanti a piazza di a chjuca capella chi tene oghje sempre u nome di Campu di a Santa.

Dopu a messa cantata, a cunfraternità si mete in ordine di prucessione in direzzione di u chjosu di fiera. A "granitula", u nome di issa prucessione, s'avvinghja in forma di spirale sin'à u mumentu chi a stàtula di a Vergine ghjunghjissi u sò centru simbòlicu, a prucessione pianta è si svoglie a l'imbarciu pà vultà à a ghjesgia. Di u tempu chi u palagrinaghju si faccìa nant'à piazza di u cunventu di a Selva, una fiera era fatta u lindumane.