Ghjuvannali
From Wikipedia
Cunfraternità cristiana dissidente, nata in Carbini in Alta Rocca in principiu di u 14esimu seculu in Corsica, è dura sin'à mezu di stu listessu seculu. I Ghjuvannali predicanu a nonviulenza è eranu sot'à direzione di u fratellu Ghjuvanni Martini.
A duttrina suciale è riligiosa tene nant'a puvertà è u datu di soiu. I Ghjuvannali dicìanu chì u ci vulìa micca avè affare soie è chì tutt'a roba divìa esse cummuna.
S'impunìanu penitanza è altre murtificazione. Pedicavanu umilità, simplicità, rispettu. Rinuncendu a u matrimoniu, nutrìscienu a sò rinumata di straviziosu, è un rimore dì ch'elli furnicheghjanu e sera di sàbatu. Si sò sopr'à tuttu sviluppati in u libecciu di a tarra di i sgiò. Sì ne sò dunque fattu nemichi quand'un anu micca pagatu l'imposizione di trubuti.
In 1352, u vescuvu d'aleria scumunicheghja sti "retichi" è à a fine di l'annu 1352, dumandanu è ottènenu a sciolta di a scumunicazione dumandendu a l'arcivescuvu di Pisa.
Eranu contr'a ierarchìa ghjesgiale, dicendu ch'ella era a l'oppostu di u missaghju cristicu. A sò spiritualità, u sò sensu suciale è riligiosu se spartitu à a corsica sana sana.
Mà in 1354, un pocu prima à a so morte, Signoremeiu Raimondu, vescuvu d'aleria, s'indirizza a u Papa Innocent VI è l'i parla di ghjavannali, l'i dice ch'elli sò rètichi è chi ùn rispetanu micca l'otorità viscuvile. Innocent VI, cufidente in lu sò raprisentente, i scumunicheghja dinò. U sò successore, Urbain V, mantene a scumunicazione è manda un legatu in corsica. Stu legatu puntificale, chi t'a lu sustegnu di i sgiò lucali, fà una cruciata santa militaria in u rughjone di carbini è in a piaghja urientale. In nome di a ghjesgia, di 1363 sin'à 1364, in Carbini, Ghisoni è d'altri paesi, stirparanu 20 000 Ghjuvannali, donne è zitelli a listessu livellu ca l'omi. Certi, vulendu tene a sò cuscienza, cascaranu l'arme in manu. Ultimi Ghjuvannali saranu brusgiati in Ghisoni, in pedìzzolu a i monti Kyrie Eleison è Cristie Eleison.
U gruppu Canta U Populu Corsu a Scrittu è cantatu "Ghjavannali" nant'u dischettu "Rinvivisce".