Arburi
From Wikipedia
Arburi hè una cumuna di u dipartimentu di a Corsica suttana. À 345m d’altitudine, u paese d’Arburi si trova ind’a regione di Vicu (I dui Sorri), vale à dì à mezupunente.
Hè cumpostu di dui paisoli : inghjò Merculaccia è Parapoghju insù (duve a chjamata di «poghju» (hauteur).
U paese nasce à tempu chì a signuria di u medievu di i Leca ci si sò stalati è anu fattu custruisce lu so castellu (XVesimu seculu). Tantu, u paese era territoriu di u Conti Ghjuvan'Paulu di Leca è a so famiglia. In 1489, pè cuntrà a rivolta di Ghjuvan'paulu di Leca, i genuvesi viotanu u paese è distrughjanu u castellu. Uu locu duv'ellu ci ferma e ruine di u castellu si chjama avà "u Castaldu" altra manera di dì "castellu".
U nome oghjincu "Arburi" vene da u nome datu da i genuvesi: "Alberi" per via ch'ellu ci era una mansa d'alburi in u paese è u circondu; Parapoghju si chjamava tandu u "Poghju d'Alberi".
Ma ancu s’ellu hè cumpostu in duie parte, ferma ch’ellu ùn hè cusì tamantu. Di fatti, sparghjendusi nantu à 2005 etari à pocu pressu, u paese campa intornu à una sessantina abitanti.
Issu picculu paisolu hè u veculu di dui pueti corsi maiò : Petru Santu LECA è Santu CASANOVA. Uriginarii tramindui di issu paese, anu lasciatu parechji scritti assai pupulari è cunnisciuti, certi messi in canzona, altri uniti in racoglie, altri ri-publicati, senza sminticassi di u pesu di certe creazione cum'è a famosa TRAMUNTANA di Santu Casanova!
| Arburi | |
|---|---|
| Statu | Francia |
| Rigioni | Corsica |
| Dipartimentu | Corsica suttana |
| Circundariu | |
| Cantonu | |
| Codici INSEE | 2A019 |
| Codici pustali | 20160 |
| Merri | |
| Intercumunalità | |
| Longitudina | |
| Latitudina | |
| Altitudina | 345 metri |
| Superficia | ettari |
| Pupulazioni | 63 |
| Dinsità | ab./km² |
Contents |
