Barangay
Gikan sa Wikipedia, ang gawasnong ensayklopedya
Ang barangay mao ang kinagamyang yunit politikal sa Pilipinas. Kini susama sa mga village sa ubang kanasoran. Ang mga lungsod ug mga dakbayan gitibuok sa koleksiyon sa mga barangay.
Ang usa ka barangay gipamunoan sa usa ka barangay kapitan nga maoy presidente sa konseho sa barangay nga gitibuok sa mga barangay konsehal. Ang matag barangay may Sangguniang Kabataan kun SK, konseho sa kabatan-onan (nag-edad 15-18). Ang SK gitibuok sa SK President kun SK Chairman ug sa mga konsehal sa SK.
Sumala sa kasaysayan, ang barangay komunidad sa 50 ngadto 100 ka pamilya. Ang matag barangay kaniadto may 30 ngadto sa 100 ka bu ug ang gidaghanon sa tawo mikabat gikan sa 100 ngadto sa 500. Sumala ni Legazpi, may nakit-an siyang mga komunidad nga may 20-30 ka tawo lamang. Daghang barangay sa kabaybayonan sa Kabisay-an ang gitibuok sa dili molapas 8-10 ka balay. Ang pulong mismo naggikan sa karaang Malay nga sakyanang pandagat "balangay".
