Skritur ar c'hozheuropeg

Diwar Wikipedia, an holloueziadur digor

Skrivet eo ar pennad-mañ e Peurunvan

Ar pennad-mañ n'eo ket peurechu c'hoazh ; ma fell deoc'h labourat warnañ deuit da welout ha lakait hoc'h ali e pajenn ar gaozeadenn.

lestr kavet e Vinča e donded ar 8,50 m .

Meizad ar c'hultur kozheuropek hag skritur ar c'hozheuropeg a zo bet embannet gant an arkeologourez Marija Gimbutas evit kavadennoù deiziataet eus 7000 betek 4000 kent Jezuz-Krist. E Serbia, Hungaria ha Kroatia ez int bet graet. War meur a dra (pladennoù, pouezioù-gwiad, delwennigoù-pri) ez eus bet gwelet arouezioù ul lizherenneg dianav.
Lod eus an hendraourien o deus klasket liammañ anezhañ d'an etruskeg pe d'ar fenikianeg.
Skritur Vinča e vez graet ivez eus ar skritur-mañ p'eo bet kavet meur a skouerioù er gêr-se e-kichen Beograd. E kêriadenn Jela nepell diouzh Beograd eo bet graet meur a gavadenn gant enskrivadurioù ivez.
Forzh penaos eo bet skritur Vinča kalz koshoc'h eget hini ar Sumeridi hag hini an Henegiptiz koshañ.

[kemmañ] Ur vartezeadenn nevez

An arkeologour amerikan, Toby Griffen, hag en deus kelennet e Skol-Veur Su-Illinois a-raok mont war e leve, en deus embannet ur vartezeadenn leun a ijinegezh, met nann-degemeret gant an holl arbennigourien.
Hervezañ e vije posubl disifrañ eur frazenn kavet war daou pouez-gwiad. Treiñ a ra teir arouezenn evel tresoù pe hieroglifoù. Unan a vefe tres un arzh, unan all hini ur c'hourzh (a dalveze evit un doueez) hag un trede hini ul labous.
p'en deus kavet div wech an heuliad : arzh doueez labous doueez arzh doueez en deus soñjet e c'hellfe bezañ gwelet evel ar frazenn : an doueez-arzh hag an doueez-labous, (ar re-se) an doueez-arzh. Un doare da zispakañ eo an div zoueez un doueez hepken.
Hervez Griffen ez eus kaoz amañ eus an doueez gresian Artemis he doa perzhioù liammet d'al laboused koulz ha d'an arzhed. Eus arktos (ger gresianeg evit arzh) e teu hec'h anv ha patrom ar vaouez-labous eo ivez.

[kemmañ] Daveoù

Gimbutas, Marija. 1974. The Gods and Goddesses of Old Europe 7000 - 3500 BC, Mythos, Legends and Cult Images
Griffen, Toby D., Deciphering the Vinca Script [1], 2005.
Pešić, Radivoje, The Vincha Script (ISBN 86-7540-006-3)
Pešić, Radivoje, "On the Scent of Slavic Autochthony in the Balkans," Macedonian Review 19, nos. 2-3 (1989), 115-116
Winn, Milton McChesney. 1973. The signs of the Vinča Culture : an internal analysis : their role, chronology and independence from Mesopotamia
Winn, Shan M.M. 1981. Pre-writing in Southeastern Europe: the sign system of the Vinča culture, ca. 4000 BC