Faith no more

Diwar Wikipedia, an holloueziadur digor

Faith No More a zo ur strollad metal amerikan dibar, hag en deus klasket gant stiloù sonerezh disheñvel kenañ e-pad an amzer ma'z eus bet dioutañ.

Liesteurded o levezonioù, perzhioù ha personnelezh ar sonerien o deus graet eus ar strollad-mañ un dave evit holl ar strolladoù neo-metal amerikan, dre ar fed e voent e-barzh ar re gentan o meskan sonioù hard-rock hag hip-hop. Personnelezh pep soner en deus krouet diaesterioù er strollad, ar pezh a skuizhas ul lodenn vras a gitarour etre 1994 ha 1997.

Goude daou bladenn rock-groove, dilec'hiet eo ar c'haner Chuck Moseley gant Mike Patton eus ar strollad Mr. Bungle. Gantañ e krog ar berzh gant ar strollad, ha blamm dre ar single « Epic » hag e c'hlip breutaet. War-lerc'h emañ stil Faith No More o vont war radikalizaat gant kanaouennoù feulsoc'h hag iskizoc'h, met ivez gant adkemeradennoù strolladoù diseurtaj evel c'h/Commodores pe ar Bee Gees. En em zisparti a ra ar strollad e 1997. Mike Patton a zo hiziv an deiz soner ar strollad en deus graet ar raktresoù solo ar muiañ anavezet : Fantômas, Tomahawk, hag all...

Ar single " Epic ", meskaj a rap hag a metal, kavet er bladenn the real thing a voe unan eus berzhioù pennan ar strollad, hag a skoazellas anezho da vezan anavezet gant muioc'h a zud. " Falling to pieces " a voe eil single ar bladenn. " Midlife crisis ", " Easy " hag " A small victory " a voe singlioù an eil bladenn, Angel dust e anv. Singlioù an trede bladenn King for a day, fool for a lifetime a voe " Digging the grave ", " Evidence " ha " Ricochet ". Album of the year a voe ar pevare bladenn, hag an hini fallan hervez tud'zo. Singlioù ar bladenn-man a voe ar ganaouennoù " Ashes to ashes ", " Last cup of sorrow " ha " Stripsearch ".

Daoust ma voe The real thing a reas ar muian a berzh eo, hervez ar faned , ar bladenn Angel dust hag a vefe ar bladenn wellan. Ret eo lavarout eo pinvidik kennan ar bladenn e mennozhioù, e lec'h e c'hellomp adkavout sonioù dishenvel, evel ar metal, ar rap, ar pop, ha memes ur ganaouenn hag a ra sonjal d'ur ganaouenn crooner !

[kemmañ] Stummadur ar strollad

Chuck Moseley, kaner war an div bladenn gentan.
Mike Patton, kaner adalek The real thing, ganet d'ar 27 a viz genver 1968 e Eureka, Kalifornia
Mike "Puffy" Bordin, tabouliner
Jim Martin, gitarour betek Angel dust
Roddy Bottum, klaouer ha mouezh
Bill Gould, izgitar, ganet d'ar 24 a viz Ebrel 1963 e Los Angeles, Kalifornia
Trey Spruance, gitarour war King for a day, fool for a lifetime
Dean Menta, gitarour war troiad ar bladenn King for a day, fool for a lifetime
Jon Hudson, gitarour war album of the year