Brec'han
Diwar Wikipedia, an holloueziadur digor
Brec'han (Brychan e kembraeg, Brocanus e latin, Brecon e saozneg) a oa roue Brycheiniog, unan eus broioù Enez Vreizh kozh, er V-vet kantved.
Taolenn |
[kemmañ] E vuhez
Hervez ar buhezioù sent kozh e oa ganet Brec'han en Iwerzhon, hag e oa Anlach anv e dad, ha Marchel hini e vamm. Dre berzh e vamm pennhêrez eo e teuas da vout roue Garthmadrun, pe Brycheiniog, which the couple later inherited. Ur beleg Drichan a oa e guzulier. Kaset e voe, hag eñ yaouank c'hoazh, evel den-gouestl, da lez roue Powys, a oa Banadl (banal) e anv, a-benn gwarediñ rouantelezh e dad. Ne gavas netra gwell eget gwallañ Banhadlwedd merc'h ar roue, ha diwar se e voe ganet sant Cynog (Koneg, e brezhoneg). Pa varvas e dad e tistroas da rouantelezh Garthmadrun, hag e voe ur roue kristen.
[kemmañ] Skeudennoù
En iliz Sant Neot e Kernev-Veur e tiskouezer ur werenn-liv eus ar 15-vet kantved ma weler Brec'han o terc'hel 11 bugel etre e zivvrec'h. Hiziv an deiz e vez kontet d'ar weladennerien eo skeudenn "Doue an tad gant eneoù war e varlenn".
- Emañ ar skeudenn amañ:Early British Kingdoms: Brychan Brycheiniog, King of Brycheiniog
Goueliet e vez d'ar 6 a viz Ebrel.
[kemmañ] Bugale Brec'han
Hervez ar mojennoù ( a zo kristen anezho) e voe dimezet teir gwech ar roue Brec'han, hag ur ribitailh bugale dezhañ. Kement-se zo bet meneget e meur a zornskrid, en o zouez re William Worcester, John Leland ha Nicholas Roscarrock. An niver a vugale lakaet war e gont a ya eus 12 betek ...63. Met an niver meneget peurvuiañ eo 24.
[kemmañ] Div listennad
Meur a listennad zo, met div a zo dreist-holl: hini Kembre, ha hini Kernev-Veur.
An darn vrasañ eus ar vugale-se a seblant bezañ bet kristenien vat, ha bezañ aet eus Brycheiniog da avielañ Domnonea an hanternoz, da lavarout eo Kernev-Veur ha Devon a-hiziv.
Nemet n'eus ket emglev etre an div listennad.
Darn a lavarer emaint 'e Manau' ma'z eus bet kredet e c'halle bout Manaw Gododdin, da lavarout eo er vro a zo hiziv e kreisteiz Bro-Skos. Bremañ avat e soñjer kentoc'h en Enez Manav.
Marteze e oa kresket al listenadoù dre ma tremene an amzer, pendegwir e felle da dud zo (sent pe nann) bezañ diskennidi ur roue santel, bezañ izili eus Tiegezh Santel Breizh Veur.
Amañ e kavor anvioù bugale kavet en dornskridoù kozh: re Kembre, kernev-Veur, Iwerzhon pe Breizh evel ma'z int bet dastumet gant Early British Kingdoms website:
[kemmañ] Mibion hervez Kembreiz
Hervez Cognacio Brychan, De Situ Brecheniauc ha Jesus College MS20 en deus bet Brec'han digant e wragez Gwladys, Prawst, Rhybrawst hag Eurbrawst:
- Cynog, Rhain Dremrudd, Clydwyn, Arthen, Papai, Dingad eus Llandingat, Berwyn ha Rhydog. Kavout a reer ivez (nemet n'int ket meneget en teir dihell war un dro
- Cynon, Pasgen, Cylflifer, Marthaerun ha Rhun.
- Dihelloù all a gembre a ra anv eus : Caian, Cynbryd, Cynfran, Cynin, Dogfan, Dyfnan, Dyfrig, Hychan, Llecheu, Neffei, Rhawin, Llofan, Llonio, Heilin, Afallach, Gwynnen ha Gwynnws.
[kemmañ] Merc'hed hervez Kembreiz
- En De Situ Brecheniauc e kaver anvioù: Meleri, Hunydd, Gwladys, Ceingar, Tudglid, Nyfain, Gwawr, Marchell, Lluan, Gwrygon Goddeu, Arianwen, Bethan, Ceinwen (a zo santez Keyne e saozneg), Cerddych, Clydai, Cynheiddon, Dwynwen, Eluned pe Eiliwedd, Goleudydd, Gwen, Lludd, Tydfil pe Tudful, Tudwystl ha Tybie (pe Dyby).
- E dihelloù all e reer anv eus: Beiol, Tydieu, Eufail, Hawystl, Edwen, Gwenrhiw, Tudwen, Callwen, Gwenfyl, Gwennan ha Mwynwen.
[kemmañ] Hervez Kerneviz
Hervez 'buhez sant Nectan' en deus bet Brec'han, digant e wreg Gwladys:
Adwen, Canauc (Cynog), Cleder (Clether), Dilic (Illick), Endilient (Endelienta), Helie, Johannes (Sion), Iona, Juliana (Ilud), Kenhender (Cynidr), Keri (Curig), Mabon (Mabyn), Menfre (Menefrewy), Merewenne (Marwenna), Morewenna (Morwenna), Nectanus (Nectan), Tamalanc, Tedda (Tetha), Wencu, Wenheden (Enoder), Wenna (Gwen), Wensent, Wynup (Gwenabwy) ha Yse (Issey).
Hervez Robert Hunt, ar re amañ dindan a ziazezas e kernev-veur, a roas o anv d'un iliz, pe d'ur barrez:
- Johannes e St Ive (diasur)
- Endelient en Endellion
- Menfre e St Minver
- Tedda e St Teath
- Mabon e St Mabyn
- Merewenne e Marhamchurch
- Wenna e St Wenn
- Keyne e St Keyne
- Yse e St lssey
- Morewenna eMorwenstow
- Cleder e St Clether (gwelout Kleder, e Breizh?)
- Keri en Egloskerry
- Helie en Egloshayle (diasur)
- Adwen en Advent
- Lanent e Lelant
[kemmañ] Hervez Iwerzhoniz
Hervez Levr Leinster en deus bet brec'han ar vugale-mañ digant Dína, merc'h roue ar Saozon: Mo-Goróc, Mo-Chonóc (Cynog, Koneg), Diraid, Dubán (Dyfnan), Cairinne (Caian), Cairpre, Iast, Ellóc (Dilic), Paan, Cáemán ha Mo-Beóc,
[kemmañ] Hervez Breizhiz
Hervez dihelloù a Vreizh e vije bet dimezet Brec'han da Menedoc merc'h da Constantine, roue ar Skoted. Genel a rejont Nennocha (marteze Ninnog, pe Ninnogan).
[kemmañ] Liammoù diavaez
- Early British Kingdoms: Children of Brychan Brycheiniog
- Early British Kingdoms: Brychan Brycheiniog, King of Brycheiniog including his image from St Neot.