Наша Ежа
Зьвесткі зь Вікіпэдыі — вольнай энцыкляпэдыі.
Праект "Наша Ежа"
Шаноўнае спадарства,
"Беларуская энцыклапедыя" плануе ў канцы 2005 г. выдаць энцыклапедыю беларускай кулінарыі і гастранаміі “Наша ежа”.
40-45 друк. аркушаў, 200-250 ілюстрацый.
Аўдыторыя: навучэнцы і выкладчыкі сярэдніх і вышэйшых навучальных устаноў, арганізатары і тэхнолагі грамадскага харчавання, турызма, вытворчасці і гандлю спажывецкімі таварамі, усе, хто цікавіцца рэканструкцыяй традыцый беларускай матэрыяльнай культуры.
Прынцып падачы: алфавітна-слоўнікавы.
Асноўныя тэмы (з прыкладамі пазіцый слоўніка):
- Традыцыйныя стравы (абаранак, алей, бігас, дранікі, калдуны, кішкі, мак, масла, муштарда, саладуха, сітніца, сыр, халаднік, юшка
- Напоі (акавіта, арак, аршад, бярозавік, гарэлка, збіцень, зуброўка, квас, кісель, крупнік, крамбамбуля, мальвазія, мёд, мінеральная вада, піва, портэр, сідр, такай)
- Сыравіна і кампаненты, расліны і жывёлы (авёс, агурок, аер, бручка, бульба, буракі, гарох, гусь, жыта, капуста, качка, крапіва, лёк, малако, сліва, венгерка, селядзец, cолад, фасоля, хрэн)
- Імпартаваныя харчовыя тавары - спецыі і г.д. (гарбата, кава, какава, лімон, перац, шакалад, шафран, траска... )
- Тэхналогія прыгатавання ежы і пітва (печ, ожаг, рушт, смажанне,
- Посуд, начынне (абрус, дзяжа, куфель, самавар, талерка, шкляніца, келіх...
- Застольны этыкет, традыцыйныя святы і абрады (аптэчка прыемная, пост, каляцыя, Вялікі пост, Пятроўскі пост, масленіца, куцця, сурвэтка
- Грамадскае харчаванне і рамесніцкі выраб прадуктаў харчавання (алейнік, карчма, кухцік, пернікарства, прапінацыя, пахцярства, рэстаран, сыраварства, шынок, чайная)
- Найбольш яскравыя з’явы кулінарыі нац. меншасцяў - татараў, яўрэяў (татар-біфштэкс, татарскі соўс, фаршмак, цымус, шмалец
- Найбольш славутыя асобы, звязаныя з гісторыяй нац. кулінарыі і гастранаміі (Завадская, Тышкевіч, Цюндзявіцкая, Міцкевіч)
Запрашаюцца да супрацоўніцтва аўтары, здольныя кваліфікавана напісаць такія артыкулы, а таксама ўсе, хто мае цікавую інфармацыю па гэтым прадмеце.
Кантакт: Алесь Белы, bely@infonet.by
