Xuan Xosé Sánchez Vicente
De Uiquipedia
Xuan Xosé Sánchez Vicente (1 de febreru de 1949) ye un políticu, escritor y ensayista asturianu nacíu en Xixón, presidente y fundador del Partíu Asturianista y miembru de la Academia de la Llingua Asturiana.
Tabla de conteníos |
[editar] Biografía
Esti llicenciáu en filoloxía románica pola Universidá d'Uviéu participó nel surdimientu asturianu faciendo un gran llabor. Fue fundador de Conceyu bable xunto con Xosé Lluis García Arias y Lluis Xabel Álvarez y ye miembru de l'Academia de la Llingua Asturiana dende que se creó.
La so carrera política entama en 1974 nel Partido Socialista Popular (PSP), del que fue secretariu xeneral. Integróse nel PSOE cuando lo fizo el PSP. Allí, desempeñó los cargos de conceyal nel Ayuntamientu de Piloña, diputáu pol partíu xudicial de Cangues d'Onís, miembru del Conseyu Rexonal y de la Xunta Xeneral. Dexó'l partíu en 1983.
En 1985, xunto con Xesús Cañedo y Carlos Rubiera, fundó'l Partíu Asturianista (PAS), del que ye presidente dende entós. Como miembru d'esti partíu fue diputáu de la Xunta ente 1991 y 1999.
Tien más de veinte llibros publicados ente poesía, teatru, ensayu y estudiu. Ente la so obra científica destaca'l Diccionariu de la Llingua Asturiana.
[editar] Bibliografía
[editar] Ensayu
- La cultura popular asturiana : unidá y pluralidá (1985)
- Diccionariu de la llingua asturiana (1988)
- El hilo de Ariadna: argumentos y propuestas para una política asturianista (1991)
- Crónica del surdimientu (1975-1990) (1991)
- Diccionariu asturianu–castellanu, castellanu–asturianu (1996)
- La cultura asturiana: dialéctica, narrática y proyectabilidá (1999)
- Teoría y práctica d'Asturies: (discursos y artículos) (1999)
[editar] Lliteratura
- Camín de señardaes: antoloxía poética, 1974–1979 (1980)
- Poemes de Xixon (1981)
- Cuentos de llingua afilada (1984)
- El Pelayu (teatru asturianu) (1985)
- De reidores costes (1988)
- Lluna llena (1990)
- ...Y de llastientes picos (1999)