Vicente Díaz
De Uiquipedia
Vicente Díaz González (13 d'avientu de 1948, Sotu'l Barcu), ye un cantante asturianu. Ye ún de los más populares intérpretes d'Asturies gracies a les sos composiciones cencielles y costumistes. Foi candidatu al meyor cantar n'asturianu de los premios de l'Academia de la Música en 2005 por La Pola de Siero, que compusiera Pepín Robles.
[editar] Biografía
Vicente Díaz nació n'avientu de 1948 en Los Veneros, nel conceyu de Sotu'l Barcu, pero vive dende bien mozo n'Avilés, ciudá na qu'entamó a trabayar como chapista. La so vocación musical entamó bien ceo, de guaje. El so entornu animólu a presentase a dellos concursos de tonada asturiana, algamando 17 premios en tres años.
Consideráu entós l'heriede natural de El Presi, Vicente Díaz entamó un estilu propio, con cantares populares de temática asturiana y folixera ya igües d'estilu 'pop' que-y apurrieren una valoratible popularidá n'Asturies y pente les colonies d'emigrantes asturianos, especialmente n'América. Tien asoleyaos una veintena discos dende 1976, y ye ún de los músicos habituales nes fiestes asturianes con decenes de conciertos cada añu.
[editar] Discografía
- Vicente Díaz (1976)
- Vicente Díaz (1977)
- Fiesta en la aldea (1981)
- Orbayu (1982)
- Retazos (1983)
- Sus mejores canciones, (1985)
- Pleamar (1985)
- ¡Ay! Guapina (1986)
- Campanines (1987)
- Cantábrico (1988)
- Nalón, (1989)
- Fechu N´Asturies (1991)
- Asturias de mi querer (1992)
- Manolín (1993)
- Restallu (1995)
- Paraíso Natural (1997)
- Grandes Éxitos,(1999)
- Homenaje a El Presi (2001)
- Contra viento y marea (2003)
- Aires del Norte (2005)
