Ríu Mississippi
De Uiquipedia
|
||||
|---|---|---|---|---|
 |
||||
| Llonxitú | 6.270 km | |||
| Altitú de la fonte | 450 m | |||
| Caudal mediu | Minneapolis: 210 m³/s San Luis: 5,150 m³/s Baton Rouge: 12,740 m³/s |
|||
| Superficie de la cuenca | 2.980.000 km² | |||
| País que treviesa | Estaos Xuníos | |||
| Desemboca en | Golfu de México | |||
| Anchor de desembocadura | n/d | |||
| Ríu - Hidroloxía | ||||
El Misisipi (n'inglés Mississippi) ye un ríu d'Estaos Xuníos y tien 6.270 km de llonxitú. Ye'l sistema fluvial más grande de Norteamérica.
[editar] Otros datos d'interés
La so fonte ye'l llagu d'Itasca, nel Parque d'Itasca na parte del norte de Minnesota, al que se-y xune'l ríu Misuri en San Luis (Misuri) y el ríu Ohio en Cairo (Illinois). El ríu Misisipi drena l'agua de la mayor parte del área ente les Montañes Rocoses y los Montes Apalaches, sacante l'área drenada polos Grandes Llagos.
El Misisipi pasa per diez estaos d'Estaos Xuníos: Minnesota, Wisconsin, Iowa, Illinois, Misuri, Kentucky, Arkansas, Tennessee, Mississippi y Luisiana. Desemboca nun gran delta nel Golfu de México aprosimadamente 160 km ríu abaxo de la ciudá de Nueva Orleans.
La boca del ríu foi camudando col tiempu. Desque se construyó una canal a entamos del sieglu XIX, el ríu foi guetando la boca del ríu Atchafalaya, aprosimadamente a 95 quilómetros de Nueva Orleans. El Cuerpu d'Inxenieros del Exércitu d'EE.XX. caltién una estensa cadarma d'escluses pa caltener el ríu nel so cursu presente.
Otros camudamientos nel cursu del ríu ocurrieron debío a terremotos a lo llargo de la zona de la falla de New Madrid, que s'alcuentra ente les ciudaes de Menfis y San Lluis (Misuri). Trés terremotos en 1811 y 1812, estimaos n'aprosimadamente de gráu 8 na escala Richter, invirtieren temporalmente'l cursu del Mississippi. Estos terremotos tamién crearon el llagu Reelfoot en Tennessee, camudando'l paisax a la vera'l ríu.
Enantes de que s'implantare'l ferrocarril en Norteamérica, el ríu Mississippi foi una de les principales víes de comunicación y tresporte. El so ampliu calce permitía la navegabilidá treslladando mercancíes y persones.
El ríu Mississippi ye l'escenariu nel que ta ambientada la novela de Mark Twain "Les aventures de Huckleberry Finn".
