Isllas Sorlingas
De Uiquipedia
Las Isllas Sorlingas (Isles of Scilly, n'inglés y Ynysek Syllan, en córnicu), son un archipiélagu na costa del ducáu de Cornualles, nu estremu suroeste del Reinu Xuníu. Tienen una superficie de 16,33 km2 y una población de non más de 2.000 personas; anque davezu fou considerada parte de Cornualles, anguañu ye una dependecia autónoma que nun tien rellación alministrativa con esti ducáu.
Ta compuesta por 5 isllas habitadas y deillos isllotes que s'alluga a 45 km de la islla d'Inglaterra; las isllas habitadas nómanse Sainte Mary, Tresco, Saint Martins, Sainte Agnes y Bryher. Tienen un clima templado gracias al efeutu colchón del océanu lu que fai que seya la floricultura, xunta'l turismu, la súa industria principal.
[editar] Hestoria
Las isllas tuviorun habitadas dende la Edá de Piedra, y la súa hestoria fou de sosistencfia diaria, na que s'amestaba la producción agrícola cola pesa. Anque dende antigu formorun parte de Cornualles, lu ciertu ye dende ceu perdiorun la súa llingua celta propia en favor del inglés naciente, a lu menos dende la final de la Edá Media, adelantándose a los outros llugares de fala celta na implantación del ingles en deillas centurias. Estas isllas tan consideradas por muitos un de los allugamientos de las míticas Kassitérides d'u los griegos importaban l'estañu, si bien la teoría hestórica más afitada nesti sen caltién que son las gallegas isllas Cíes l'orixinariu emplazamientu; lu que sí paez tar claru ye que son unas isllas conocidas dende antigu.
[editar] Área de Belleza Natural Destacada
En 1975, l'archipiélagu, nel sou conxuntu, fou declaráu "Estaya de Fermosura Natural Destacada".
