Galaicos
De Uiquipedia
Los galaicos foron un conxuntu de pueblos célticos y precélticos allugáos en Gallaecia nel noroesti peninsular ocupando parte de l´actual Galicia.
Tabla de conteníos |
[editar] El nome
Hai delles teoríes, la primer ye que Gallaecia foi el nome dau polos romanos a dicha tierra significando “la pequeña Galia” por mor da semeyanza colos galos na so vestimenta, cultura, llingua, etc... Otra teoría diz que demientres la conquista romana, la tribu de los Callaici (al sur de la Provincia d'Orense) foi la que más oposición punxo a la conquista, y foi asina como bautizóse al territoriu, magar que los romanos honoraben a los enemigos cuayiegos d´este xeitu.
[editar] Tribus y clanes
De les más de 50 tribus galaiques tán:
- Abios
- Meros
- Artabros
- Lapatiangos
- Brigantinos
- Baedios
- Arrionos
- Ladovios
- Egovarros namarinos
- Cibarcos
- Albiones
- Supertamarcos
- Salassos
- Corporos
- Cilenos
- Seurros
- Lemvos
- Poemanos
- Helenios
- Grovios
- Coelernos
- Lemicos o Limiagos
- Tamaganos
- Leunos
- Seurbios
- Cuarquenos
- Bibalos
- Aquiflavienses
- Interamicos
- Bracaros
- Callaicos
- Aubriguenses
- Ecuasos
- Naebisocos
- Luancos
- Lubaenos
- Narbasos
- Nemetatos
- Nobiagonos
- Veasminos
- Rilenios
[editar] Afiliación
Florentino López Cuevillas, nes sos obres "La civilización céltica en Galicia" y "Os oestrimnios, os saefes e a ofiolatría en Galiza" afirma que Gallaecia taba ocupada por estremáos pueblos indeuropeos, celtes y precélticos, éstos últimos yeren llamaos oestrimios, (emparentáos colos ligures, pueblu megalípticu qu´ocupó gran parte d´Europa). Éstos oestrimios yeren:
Albiones, Seurros, Tiburos, Bibalos, Caporos, Zoeles,Nobiagonos, Abios, Tirios, Veasminos, Salassos, Rilenios, Helenios, Groviios]].
Los oestrimios formaben parte d´una comunidá aborixen d´aniciu protocélticu asentada dende la Edá de Bronce (denantes del 600 a. C) qu´ocupaben el noroesti peninsular. Dempués vinieron les invasiones céltigas de Saefes o Sierpes (homes serpiente) y Draganos. D´estes invasiones remanecería´l parentescu xenéticu de los gallegos, asturianos y llioneses con irlandeses, escoceses y especialmente, galeses. Éstos afitáronse nel norte de Portugal y l´área de la Galicia actual, introduciendo nesta rexón la cultura de Urnes de Vlenden-Bennghardt (variante de les de Urnenfelder) qu'evolucionaría dempués na cultura de los castros o castreña. Dambos pueblos, Draganos y Sefes, acabaríen por conformar los pueblos astur y galaicu, asociándose ente los dos dalgunes tribus protocéltigues, por exemplou, los Tiburos y los Zoeles pasaron a ser astures. Les lleendes a ún y otru lláu de la mar como el Leabhar Ghabhála Érenn, afitaes por autores como T.W.Rolleston nel so llibru "Los Celtas", afirmen que los galaicos del norte conquistaron Irlanda. Éstu pue ser una rastru de que remanecen d´ehí o que realmente la conquistaren y, poro, el gaélicu sedría la mesma llingua que falaron estos galaicos, sicasí nun ta dafechu demostráu. Los que yá coñocíase ye que cuasi tolos pueblos precélticos xustu d'enantes de la conquista romana taben yá aceltizáos, como los pictos n´Escocia.
Los celtes Saefes, o celtes d´Hallstatt, na so migración, afayaron el noroeste peninsular abondo pobláo (Estrabón fala d´unes 50 tribus, mientres que Plinio diz que yeren más de 65). Sicasí los Sefes caltuvieron una bona convivencia cola población llariega, créyese que pola so enguina afín indoeuropeu. D´esta forma foron los celtes los qu'asimiláronse ya que la so influencia foi na mayoría de los casos bisiega y esporádica, según se pue inferir del estudiu del so ñiciu dexáu d´esa dómina na arquiteutura y la metalurxa. La población más antierga conservó la so destacada personalidá llingüística y cultural asimilando aspectos culturales de la civilización celta nun verdaderu intercambiu de vezos y conocimientos.
[editar] Xeografía
Toes estes tribus ocupaben dende´l Dueru (Baixo Minho) fasta´l Cantábricu, al Esti, nel Navia colos Pésicos, n´Ancares colos Lóugei, colos astures Tiburos nes montañes de San Mamede y Cabeza de Manzaneda y colos tamién astures Zoeles nes sierres de Sendim, Bornes, Meles y Lama longa.
[editar] Forma de vida
Les muyeres teníen la xera de trabayar la tierra y acoyechar na viesca, normalmente pa facer el llande, mentres que los homes caciaben o curiaben el ganáu. Los sos escasos cultivos yeren d´escanda, cerru y cebada principalmente. Mas cuando precisaben de más recursos, los que podíen permitise apurrir armamentu organizaben razzies guerreres que dedicábanse a saquiar.
Los cronistes de les campañes romanes como Plinio, Estrabón y Herodoto encartichaben una sociedá matriarcal y democrática (un conxuntu de clanes con un representante elexío polos miembros del clan, y los representantes de los clanes d´una tribu elexía al xefe de tribu cada añu), magar que dalgunes persones averávanse a una mena d´aristrocacia militar que gobernaba´l so castru o clan, cuasi siempres acompañáu dún druida a mou de conseyeru. Quiciabes, el matriarcáu yera una mena de sociedá igualatoria, les muyeres participaben na guerra del mesmo xeitu que los homes, tal y como Apiano y Antonio Dióxenes encartichen na epedicion de Bruto Galaico nel 138-136 e.C.:
"Pa empedir el saquéu de les ciudaes les muyeres
lluchaben al empar de los homes manexando les armes
al netu qu´eillos ensin llanzar glayíu o súplica
nenguna na griesca cuando yeren coraes..."
El so armamentu consistía principalmente nuna caetra o un escudu oblongu de madera o blima tapecíu de cueru, una llancia, una espada llarga o puñal d´antenes, magar que dependiendo del so allugamientu económicu, el númberu y calidá d´armes y proteiciones como grebes, cotes de malla o cascos podía variar. Dalgunos guerreros/es llevaben torques (maniaques na so llingüa) como atestigüen aquellos afayáos en abondos castros galaicos.
La vestimenta de los homes, según amuesen les estatues de guerreros galaicu-lusitanes (norte de Portugal), taba compuesta por una camisa llarga (afitada con cinchu na cintura), que finaba cuasi nos xinoyos, u al tresuel de llínies d´estremaos collores criyaben una estampáu de cuadros o rombos pa desemeyase d´otros clanes, como siguin faciendo güei los clanes escoceses. Tamién usaben el sagum a igual que munchos otros pueblos vecinos como cántabros y astures, fechu que demuestren les fontes clásiques y l´afayamientu de fíbules nos yacimientos arqueolóxicos (Alberto Álvarez Peña "Celtas en Asturies"). Amás, n´algunes tribus los homes tamién usaben sayes, cosa que caltúvose n´algunes zones de Galiza fasta´l sieglu XVIII-XIX, con exemplos como la saya de Betanzos y la saya de Tuy asemeyada al kilt escocés pero ensin tartáns. Calzaben coricies o abarques y a vegaes una mena de calcies acadináes a la llumera con soguetos. El traxe de la muyer nun variaba namái qu´en una saya muncho más llarga, quiciabes, daqué paecíu a la forma del paxellu gallegu d´angüañu.
[editar] Relixosidá
Yeren politeístes, creyíen nos espiritos de la natura, na reencarnación y la so relixón taba alministrada polos druides. Dalgunos de los sos dioses yeren:
Lug: Dios del sol y de los muertos.
Taranis/os: Dios de la guerra, mas sero acristandiáu como Santiago.
Cernunnos o Candamu: Dios de les viesques.
Deva: Diosa del augua.
Nuada: Dios de los mares y océanos.
Belenos: Dios del vientu.
[editar] Bibliografía
- Os oestrimnios, os saefes e a ofiolatría en Galiza (Univ. Santiago, 1992). Florentino López Cuevillas y F. Bouza Brey. ISBN 84-7191-844-7
- A idade do ferro na Galiza. Florentino López Cuevillas. ISBN ¿?
- La civilización céltica de Galicia. (Istmo, 1989). Florentino López Cuevillas. ISBN 84-7090-199-0
- Celtas en Asturies. (Picu Urriellu, 1992). Alberto Álvarez Peña. ISBN 84-932070-4-7
- Los celtas (títulu orixinal: Celtic). (Edimat). T. W. Rolleson (traducción: María José Llorens Camp). ISBN 84-8403-481-X
- Los celtas y la civilización céltica.. (Akal, 1988). Henri Hubert (traducción: Eduardo Ripoll Perelló y Luis Pericot García). ISBN 84-7600-286-6
