Felipe de Borbón
De Uiquipedia
Felipe Juan Pablo Alfonso de Todos los Santos de Borbón y de Grecia, conocíu como Felipe de Borbón (30 de xineru de 1968), ye l'autual Príncipe d'Asturies.
Ye'l tercer fíu de los reis Xuan Carlos I y Sofía de Grecia per detrás de les sos hermanes Elena de Borbón y Cristina de Borbón. N'alcuerdu cola llexislación vixente, al ser l'unicu descendiente varón del moarca, ye l'heriede de la Corona española.
Pertién por Real Decretu dende 1977 los títulos hestóricos de Príncipe d'Asturies, Príncipe de Xerona, Príncipe de Viana, Duque de Montblanc, Conde de Cervera y Siñor de Balaguer, con orixe nel 1388, 1351, 1424, 1387, 1351 y 1413, respeutivamente. Tien tratamientu d'Alteza Real.
Recibiera formación militar na Academia Xeneral Militar de Zaragoza, la Escuela Naval Militar de Marín y l'Academia Xeneral del Aire de San Javier. Amás, cursó estudios de Drechu na Universidá Autónoma de Madrid y ye Máster en Rellaciones Internacionales de la Edmund Walsh School of Foreign Service de la Universidá de Georgetown).
Nos Xuegos Olímpicos de Barcelona en 1992 foi l'abanderáu de la seleición olímpica española, y algamó entós diploma olímpicu na estaya de Vela.
En payares de 2003, asoleyó'l so compromisu matrimonial cola periodista asturiana Letizia Ortiz. El casoriu celebróse'l 22 de mayu de 2004 na catedral de Santa María la Real de la Almudena de Madrid. El 31 d'ochobre de 2005, nació la so fía Leonor de Borbón, segunda na llinia sucesoria de la Corona española.
