Epigrafía
De Uiquipedia
La epigrafía ye una ciencia histórica, el sou oxetu d'estudiu son las inscriciones feitas en materiales duros, y poro duradeiros nel tiempu, como la piedra, el güesu, el metal ou la madera. Desendolca metodos pa interpretalas y asina consiguire la súa finalidá que ye'l descifráu y interpretación d'estos escritos, cola final de tenere mayor información sobre la dómina ou intre hestóricu de las mesmas. Las inscriciones feitas en monedas nun s'estudian pola epigrafía sinon pola numismática. La cienca epigráfica sodivídese pol cálter intrínsecu col que fou feita la inscrición, relixosa ou profana' y militare ou civil, y al empar na dómina y cultura na que se fixo. Asina habrá, por exemplu, Epigrafía Relixosa Ibérica ou Epigrafía Militar Romana.
Los tipos de inscriciones defínense col oxetu d'alcordanza col que se fixorun, asina las hai:
- Votivas, a las divinidaes ou los santos.
- Xurídicas, las que contienen órdenes ou lleis.
- Públicas, las que tien como sofitu un monumentu de cálter públicu.
- Hestóricas, las conmemorativas d'un feitu ou data.
- Honoríficas, honran la memoria d'una persona.
- Funerarias, refiérense a la muerte de daquien.
- Mistas ou comuñas, d'emplegu usual en teselas, potes, platos, etc.
