El Hobbit
De Uiquipedia
El Hobbit ye una novela de J.R.R. Tolkien, foi espublizada'l 21 de setiembre de 1937. Aniciada ente los años 1930 y 1931, esta obra de corte infantil foi la primera que s'asoleyare, onde Tolkien esploraba l'universu mitolóxicu de la Tierra Media que llueu s'encargaría de definir en El Señor de los Aniellos y El Silmarillion, perfilándose dellos de los personaxes que darréu participaríen de forma peractiva en El Señor de los Aniellos (Como Gandalf y Bilbo).
Tabla de conteníos |
[editar] Argumentu
La hestoria, asitiase cronolóxicamente unes poques decenes d'años enantes de les aventures d'El Señor de los Aniellos, narra'l viaxe d'un hobbit nomáu Bilbo Bolsón (tíu de Frodo, ún de los protagonistes cimeros d'El Señor de los Aniellos), al que nun-y presten les aventures, a la Montaña Solitaria a la gueta de l'ayalga robada pol dragón Smaug años antrás. Tou entama un inesperáu día nel que Bilbo recibe la visita de Gandalf el Gris xuntu con 13 nanos, ente los que se cunta a Thorin, Escudu de Carbayu, a cuya familia-y foi robada l'ayalga. Dellos de los fechos narraos en El Hobbit influyirán nos asocedíos posteriores d'El Señor de los Aniellos.
[editar] Anális
Anque l'ánalis de la obra lleva invariablemente a la engarradiella cola so "hermana mayor", El Señor de los Aniellos, nun ye posible facer una comparación ente elles, pos el tonu ya estilu ye estremáu dafechu, yá que taba destináu por completo a un públicu infantil. De fechu, la obra foi escrita nún entamu pa los sos fíos, y foi'l fíu del editor George Unwin, de diez años, el que por una paga (un chelín), escribió un resume de la obra y aconseyó la so edición; esi "informe" entá pue ser consultáu.
D'otra miente, nun hai que dubiar que nel Universu particular del autor, ésta novela anticipaba los asocedíos relataos darréu en El Señor de los Aniellos, ye equí onde ta la bas de lo que sedría la so obra posterior.
Por mor de que Tolkien non siempres tuvo ñidio'l realizar una continuación d'esta obra, una vez creyáu'l Señor de los Aniellos, tuvo que facer dellos camudamientos col envís de que dambes obres tuvieren la coherencia afayadiza.
[editar] Edición
Primera edición: 1937
Primera edición en castellanu: 1982
Nun hai edición n'asturianu Títulu: El Hobbit
Autor:Tolkien, J. R. R.
Editor: Ediciones Minotauro
[editar] Otres Ediciones
- El Hobbit: Guía de Llectura, por J.R.R. Tolkien. Guía de llectura fecha por Paola Castagno y Leandro Pascual (d'Elfenomeno.com). Editorial: Espasa-Calpe, coleición Austral.
[editar] Enllaces esternos
- Ediciones d'El Hobbit en castellanu
- Artículu sobre El Hobito, una curiosa traducción fecha n'Arxentina.
- L'Aniellu Únicu - Tou Tolkien a un clic
