Uiquipedia:Cómo pueo collaborar
De Uiquipedia
Tabla de conteníos |
[editar] Fai'l to primer artículu en namás que trés pasos
[editar] ¿Cómo crear un artículu que nun esiste?
Tienes delles formes. La percenciella ye introducir el nome l'artículu (como quies qu'apaeza entituláu, colos sos acentos y mayúscules) nel buscador y calcar el botón Dir. Si nun ta yá na Uiquipedia, apaecerá un enllaz encarnáu col testu esti enllaz. Síguilu y podrás entamar a escribir.
[editar] ¿Cómo-y doi forma al testu?
Los testos en negrina, los títulos de cabecera, les cursives... faense col códigu previstu pa caún d'esos estilos. Lo más fácil ye emplegar el menú qu'apaez enriba la caxa au escribes. Esi menú te permite tamién enxertar semeyes, enllaces a webs esternes o a artículos de la Uiquipedia, o separtar el testu con llínies horizontales. Pero lo meyor ye qu'entames a escribir el códigu darréu. Asina, la negrina faese zarrando'l testu a destacar ente trés apóstrofos. La cursiva consíguese con dos apóstrofos, y les cabeceres con grupos de dos o trés signos =.
'''Esti testu saldrá en negrina''' ''Esti en cursiva'' ==Esti ye un títulín pergrande== ===Y esti ye un titulín subordináu al anterior=== ====Y esti subordináu al anterior, en dientru del anterior====
-
- Pa separtar párrafos, nun val con calcar na tecla "enter" una vegada. Ties que da-y dos. Y si quies facer testu en sangría has d'entamar la frase con dos puntos (:), (::) ó (:::).
:Esta llínia ta desplazada. ::Esta talo más. :::¿Quién sabe au pue llegar? :-)>
[editar] ¿Cómo faigo los enllaces?
El códigu pa facer enllaces va ser el que más vayas emplegar y vas avecate a elli de secuti. Un enllaz a un artículu esistente na Uiquipedia faise zarrando con dos corchete el testu col títulu esautu del artículu. Si quies facer l'enllace pero el títulu nun cuadra nel testu pues facelo. Por exemplu, si vas escribir que daquién ye estaunidense, y quies enllaciar el xentiliciu col artículu sobro los Estaos Uníos, ties de facelu asina:
[[Estaos Uníos|estaunidense]]. Sicasí, nel testu apaecerá namás el xentiliciu, pero al calcar sobre él col ratón, el llector dirá al artículu sobro'l país.
El procedimientu ye'l mismu pa un enllaz esternu, pero zarrando la direición web y'l testu esplicativu que saldrá destacáu ente corchetes simples.
Asina: [http://ast.uiquipedia.org Uiquipedia n'asturianu]
Y yá ta. En cuantes que lo tengas too fecho, namás te queda calcar el botonín de Grabar páxina. Si nun tas seguru de lo bien que tea escritu, pues echa-y enantes un güeyu calcando en Previsualizar.
[editar] Igües nun artículu
Iguar un artículu ye entá más fácil. Namás tienes que lu buscar, y calcar na pestaña d'igües (editar, na parte superior de la pantalla). Entós apaecerá la caxa d'igües au pues modificar lo que tea mal o ampliar con nueva información.
Recuerda que tienes que respetar les polítiques de Wikipedia en cuantes al Puntu de Vista Neutral, usu de material propio o con llicencia llibre, (ensin copyright) y que si te da por facer tochaes vas ser bloqueáu por un alministrador ;)
[editar] Delles cuestiones d'interés
Na Uiquipedia ye perimportante la categorización de los artículos. Una vez qu'acabes d'escribir el to artículu, pues busca-y la estaya temática más afayadiza. Si nun la atopes, creesla. Ye percenciello. Namás tienes qu'escribir el siguiente códigu al final del to testu.
[[Categoría:la que seya]]
Si nun ta creada, apaecerá'l nome de la categoría encarnáu. Síguilo, y na caxa testu qu'apaez escribe darréu el códigu pa una categoría superios que yá exista. Por exemplu:
[[Categoría:Colombofilia]]
Suponiendo que la estaya de colombofilia nun existe, sigui l'enllaz, que te llevará a la caxa d'igües de la nueva categoría que creasti, y asóciala a una, o delles, categoríes superiores:
[[Categoría:Aficiones]] [[Categoría:Palomba]]
Otra cuestión perimportante son les interwikis. Son los enllaces al mesmu artículu nes Wikipedies n'otros idiomes. Son básicamente iguales que los enllaces a artículos na propia Uiquipedia pero col códigu de la llingua en cuestión. Encamentámoste a incluir estos enllaces al final del testu, y escríbense asina:
[[ca:Asociación Colombófila Pixueta]] (Pal catalán) [[es:Asociación Colombófila Pixueta]] (Pal castellanu) [[scn:Asociación Colombófila Pixueta]] (Pal sicilianu)
Polo xeneral, podrás atopar la llista más completa d'interwikis editando l'artículu correspondiente nes Wikipedies más grandes (n'inglés, español...)
[editar] Caxigalines útiles
- Nomes.
Un problema frecuente ye'l del nome del artículu. Les duldes alrodiu d'esti tema puen discutise na estaya específica del chigre. Sicasí, en bien de casos pues atopar dellos nomes pa un mismo artículu. Asina, la referencia na Uiquipedia a Diana Spencer bien pudiera ser Lady Di. La solución ye redireccionar esta segunda opción a la primera, de mou que quien introduz el nome de Lady Di nel buscador, dirá darréu al artículu de Diana Spencer. Les redirecciones son perfáciles de facer. Namás ties que crear l'artículu pal nuevu títulu y escribir na caxa d'igües el siguiente códigu (y namás el siguiente códigu).
#REDIRECT:[[lo que seya]] Siguiendo l'exemplu, nel nuevu artículu entituláu Lady Di escribiremos: #REDIRECT:[[Diana Spencer]]
Lluéu calques en Guardar páxina y yá ta.