ܐܠܩܘܫ
From Wikipedia
.
ܐܠܩܘܫ ܚܕܐ ܡܕܝܢܬܐ ܠܐ ܝܠܗܿ ܪܒܬܐ ܐܝܟܼ ܡܕܝܢܬܐ ܐܚܪܢܐ ، ܐܠܐ ܗܿܝ ܝܠܗܿ ܚܕܐ ܡܕܝܢܬܐ ܥܡܘܩܬܐ ܒܬܫܥܝܬܐ ܘܡܟܬܒܙܒܼܢܐ ܘܪܒܐ ܥܬܝܩܬܐ ܝܠܗܿ . ܐܠܩܘܫ ܢܦܝܠܬܐ ܝܠܗܿ ܥܠ ܐܫܬܐ ܕܜܘܪܐ ܕܦܝܫܐ ܝܠܗ ܩܪܝܐ ܒܫܡܗܿ ـ ܜܘܪܐ ܕܐܠܩܘܫ ـ . ܐܗܐ ܡܕܝܢܬܐ ܙܥܘܪܬܐ ܪܚܩܐ ܝܠܗܿ ܡܢ ܡܕܝܢ̄ܬܐ ܕܡܘܨܠ 45 ܟܝܠܘܡܝܬܪܐ ، ܠܓܪܒܝܐ ܕܢܝܢܘܐ ܢܦܝܠܬܐ ܝܠܗܿ ..ܘܡܫܘܠܜܢܬܐ ܝܠܗܿ ܥܠ ܚܕ ܫܠܘܐ ܫܡܝܢܐ ܕܙܪܘܥܬܐ ، ܗܕܟܼܐ ܒܣܬܘܐ ܦܝܫܝ ܙܪܝܥܐ ܚܜܐ ܘܣܥܪܐ ܘܜܠܦܚܐ ܘܫܪܟܐ ܕܡܢܕܝܢܐ ܐܚܪܢܐ ܘܒܩܝܜܐ ܠܝܬ ܒܜܝܚܐ ܒܘܫ ܒܣܝܡܐ ܡܢ ܒܜܝܚܐ ܕܐܠܩܘܫ . ܒܪܬܩܠܐ ܕܐܠܩܘܫ ܐܝܬܠܗܿ ܚܕܐ ܪܓܼܫܬܐ ܕܝܠܢܝܬܐ ܒܠܒܐ ܕܟܠ ܚܕ ܟܠܕܝܐ ܐܬܘܪܝܐ ܣܘܪܝܝܐ ، ܐܦܢ ܕܠܐܝܠܗܿ ܦܝܫܬܐ ܡܘܕܟܼܪܬܐ ܒܟܬܒܼܐ ܘܦܘܪܣܐ ܐܝܟܼ ܕܦܝܫ̈ܐ ܝܢܐ ܡܘܕܟܼܪܐ ܥܠ ܡܕܝܢܬܐ ܐܚܪܢܐ ܕܠܝܬܠܝܗܝ ܫܘܦܐ ܡܐܝܟܼ ܕܐܠܩܘܫ .. ܥܡܪܢܐ ܕܐܠܩܘܫ ܐܬܘܪܝܐ ܟܠܕܝܐ ܝܢܐ ܘܠܫܢܝܗܝ ܣܘܪܬ ܝܠܗ .. ܒܚܨܐ ܕܐܠܩܘܫ ܝܠܗ ܜܘܪܐ ܕܐܠܩܘܫ، ܘܒܩܕܡܝܘܬܗܿ ܝܠܗ ܫܠܘܐ ܓܘܪܐ ܕܐܠܩܘܫ . ܐܝܬ ܒܗܿ ܢܒܥܐ ܘܫܩܝܬܐ ܕܡܝܐ ܩܐ ܫܬܝܬܐ ܘܡܫܬܝܬܐ ܕܓܢܐ ܘܚܩܠܐ ܕܙܪܘܥܬܐ .. ܫܡܐ ܕܐܠܩܘܫ ܠܝܬ ܚܕ ܡܢܕܝ ܚܬܝܬܐ ܕܡܫܪܪܗ ، ܟܕ ܐܝܬ ܡܠܦܢܐ ܒܐܡܪܐ ܝܢܐ ܕܐܠܩܘܫ ܝܠܗܿ ܡܢ ܙܒܼܢܐ ܕܢܒܼܝܐ ܢܐܚܘܡ ܘܝܠܗܿ ܡܢ ܙܒܼܢܐ ܕܐܫܘܪܝܐ ؛ ܘܣܘܟܠܐ ܕܫܡܐ ܝܠܗ ܐܝܠ ܩܘܫ ܐܘ ܝܠܗܿ ܡܢ ܫܪܫܐ ܦܠܣܜܝܢܝܐ . ܒܐܠܩܘܫ ܐܝܬ ܥܩܒܼܐ ܘܥܬܩܐ ܒܚܙܘܚܠܝܗܝ ܒܫܡܢܐ ܕܡܬܘܬܗܿ ܘܦܢܝܬܗܿ ، ܐܦ ܒܡܢܕܝ ܕܐܡܝܪܐ ܝܢܐ ܐܢܫܐ ܡܢ ܫܪܒܬܐ ܠܫܪܒܬܐ ، ܐܗܐ ܡܕܝܢܬܐ ܙܥܘܪܬܐ ܒܟܝܢܗܿ ܐܠܐ ܪܒܬܐ ܒܣܘܥܪܢܗܿ ܘܥܡܠܗ.. ܐܠܩܘܫ ܐܗܐ ܘܪܕܐ ܦܩܝܚܐ ܒܓܘ ܦܢܝܬܐ ܘܟܘܟܼܒܼܐ ܒܨܡܚܐ ܓܘ ܫܡܝܐ ، ܗܘܝܬܐ ܝܠܗܿ ܒܝܬ ܓܘܣܐ ܩܐ ܥܪܘܩܐ ܡܢ ܜܠܘܡܝܐ ܘܐܦ ܗܘܝܬܐ ܝܠܗܿ ܢܝܫܐ ܕܜܠܘܡܐ ܘܕܜܠܘܡܝܐ ܐܠܐ ܒܓܢܒܪܘܬܐ ܕܒܢܝ ܡܬܐ ܦܝܫܐ ܝܢܐ ܒܥܠܕܒܼܒܼܐ ܡܘܟܠܝܐ ܘܡܘܕܥܪܗ. ܥܡܪܢܐ ܕܐܠܩܘܫ ܐܨܠܝܐ ܫܒܼܝܩܗܿ ܝܢܐ ، ܐܠܐ ܐܬܝܐ ܝܢܐ ܚܕܬܐ ܒܕܘܟܬܝܗܝ .. ܐܠܩܘܫܝܐ ܝܗܘܐ ܣܓܼܕܢܐ ܕܦܬܟܼܪܐ ܘܐܦ ܐܝܬ ܗܘܐ ܒܗܿ ܝܗܘܕܝܐ ܡܢ ܫܒܝܐ ܕܐܬܘܪܝܐ ܘܒܒܼܠܝܐ .ܐܠܐ ܡܫܝܚܝܘܬܐ ܥܒܼܪܗܿ ܠܐܠܩܘܫ ܒܕܪܐ ܩܕܡܝܐ. ܘܡܢ ܒܬܪ ܦܘܠܓܼܐ ܬܘܕܝܬܢܝܐ ܐܠܩܘܫ ܡܗܘܝܡܢܗܿ ܒܬܘܕܝܬܐ ܕܬܪܝ ܟܝܢܐ ܘܦܫܠܗܿ ܥܠ ܕܐܗܐ ܬܘܕܝܬܐ ܗܐ ܠܡܢ ܩܕܡ ܕܪܐ ܕ16 ܐܝܟܐ ܕܡܫܘܚܠܦܠܗܿ ܠܩܬܘܠܝܩܘܬܐ ܘܪܒܐ ܦܜܪܝܪܟܐ ܦܠܜܠܘܢ ܡܢܗܿ ܘܐܦܣܩܘܦܐ ܘܟܗܢܐ ܕܡܫܘܡܫܠܘܢ ܠܥܕܬܐ ܡܫܝܚܝܬܐ .ܐܠܩܘܫ ܝܕܥܬܐ ܝܠܗܿ ܒܥܕܬܬܗܿ ܘܕܝܪܗܿ ܥܬܝܩܬܐ . ܗܕܟܼܐ ܕܝܪܐ ܕܪܒܢ ܗܘܪܡܙܕ ܪܒܐ ܥܬܝܩܐ ܝܠܗ ، ܘܙܒܼܢܐ ܚܬܝܬܐ ܕܒܢܝܬܗ ܠܐ ܝܠܗ ܝܕܝܥܐ ܐܠܐ ܦܝܫܬܐ ܝܠܗܿ ܚܫܝܒܼܬܐ ܕܕܝܪܐ ܦܝܫܐ ܝܠܗ ܒܢܝܐ ܒܕܪܐ ܕ6 ܐܘ ܫܒܼܥܐ ܠܡܪܢ ܘܝܠܗ ܒܢܝܐ ܒܠܒܐ ܕܜܘܪܐ ܕܐܠܩܘܫ .ܘܒܚܝܪܐ ܝܠܗ ܒܣܡܠܐ ܠܕܝܪܐ ܐܚܪܢܐ ܪܒܐ ܘܥܬܝܩܐ ܕܡܪܬܝ ܡܪܝܡ . ܐܢܐ ܕܝܪܐ ܘܥܘܡܪܢܐ ܕܩܕܝܫܐ ܘܜܘܒܼܢܐ ، ܕܡܪܝ ܡܐܪܝ ܘܡܪܝ ܓܝܘܪܓܝܣ ܘܡܪܝ ܩܪܕܐܓܼ ، ܡܪܝ ܙܕܝܩܐ ܘܡܪܬܝ ܫܡܘܢܝ ܘܫܪܟܐ .. ܡܟܬܒܙܒܼܢܐ ܚܕܬܐ ܕܐܠܩܘܫ ܡܠܝܐ ܝܠܗ ܡܢ ܓܒܼܪܘܬܐ ܘܡܢ ܐܢܫܐ ܓܢܒܪܐ ܕܐܝܬ ܗܘܘܠܘܢ ܡܥܒܕܢܘܬܐ ܥܠ ܐܓܼܘܢܐ ܘܡܟܬܒܙܒܼܢܐ ܕܥܪܐܩ . ܡܢ ܐܠܩܘܫ ܦܠܜܠܘܢ ܦܘܠܝܜܝܩܝܐ ܡܫܡܗܐ ، ܐܡܢܐ ܘܡܘܪܕܢܐ ܕܡܘܩܪܒܼܠܝܗܝ ܬܫܡܫܬܐ ܪܒܬܐ ܩܐ ܡܪܕܘܬܐ ܘܣܦܪܝܘܬܐ ܘܐܡܢܐ ܐܬܘܪܝܐ ܟܠܕܝܐ ܣܘܪܝܝܐ ...
