Tauro
De Biquipedia
| Tauro | |
 |
|
| Nombre en latín | Taurus |
| Alcorzamiento | Tau |
| Simbolo |  |
| Chenitibo | Tauri |
| Sinificato en aragonés | o toro |
| Aszensión reuta | 4 h |
| Declinazión | 15° |
| Bistero ta latituz | entre -65° e +90° |
| Millor bisibilidá en | chinero |
| Aria total | 797 graus cuadratos |
| Lumero d'estrelas con magnitú aparén < 3 |
3 |
| Estrela más luminosa - Magnitú aparén |
Aldebarán (α Tau) 0.9 |
| Plebia de meteoritos |
|
| Constelazions con que muga |
|
Tauro (o toro) ye una de as constelazions de o zodiaco, situata entre a constelazión de Aries á l'Ueste e a de Cheminucos á l'Este. Á lo Norte se troban Perseu e Auriga, á lo Surueste Orión e á lo Sureste Eridano e Ballena.
Contenius |
[Editar] Carauteristicas
En o zentro d'ista constelazión, se i troba una de as pocas estrelas de primer magnitú de o zielo, a luminosa e roya Aldebarán. Os cuernos de o toro s'estendillan enta l'Ueste, formatos per Elnath (Beta Tauri, compartito tradizionalmén con Auriga) e Zeta Tauri.
[Editar] Ochetos
Á l'Este de a constelazión, bi ye un de os carrazos estelars ubiertos más conoxitos, bistero á simple güello: as Crapetas.
Dezaga d'Aldebarán, bi son as Iadas, o carrazo estelar ubierto más amanato, que farchan en chunto a V en o zielo que constituye a capeza de o toro.
Unaltro ocheto, bisible que per telescopio, ye a Nebulosa de o Candrexo (M1), resto d'una supernova á lo Nordeste de Zeta. A esplosión, bista en a Tierra lo 4 de chulio de 1054, estió prou luminosa ta alufrar-se de días, e ne fan menzión bels testos d'istoria chineses e ochetos de zeramica de os pueblos natibos d'America.
[Editar] Mitolochía
En a mitolochía grieca, s'identifica con a forma de toro que adoutó Zeus ta conquerir á Europa, una mitica prinzesa fenizia. Tamién s'asozía con o Minotauro. Debez, cuan o Sol recorre o zodiaco, ha d'esnabesar a faxa de o zielo conoxita como lo Mar ta plegar en Tauro, o que constituye l'orichen de o mito de o Toro de Creta, a cazata de o cual estió un de os doze treballos d'Eracles.
[Editar] Astrolochía
En l'astrolochía ozidental, o sino de Tauro (20 d'abril-20 de mayo) ye asoziato con o elemento tierra; ye, pues, un de os tres sinos de tierra, chunto con Birgo e Capricornio. En Tauro tien o suyo domizilio Benus e a suya esaltazión a Luna. Ye un de os cuatre sinos fixos, chunto con Leo, Escorpio e Acuario. O suyo oposato ye Escorpio. D'entre as partis de o cuerpo, Tauro gubierna o cuello e os güembros.
As cualidaz que os astrologos acostumbran á acumular-li son os d'un caráuter prautico, pazién, leyal e sensual, debez que materialista, tozoludo, posesibo e coflón.
