De Biquipedia
La Massana ye una parroquia d'o Prenzipato d'Andorra, situata á lo norueste d'o país. Ye formata per siet quarts: Pal, Arinsal, Erts, Sispony, Anyós, l'Aldosa, y la Massana, capital d'a parroquia. Tamién encluye zinco nuclios urbans más; el Puiol del Pui, Escàs, els Plans , el Mas de Ribafeta y el Pui. O nombre de la Massana, u tamién escrito como la Maçana, biene d'o latín mattianam, una bariedá de mazanas.
Os prenzipals rios que a trescruzan son o Balira d'o Norte, o río de Pal y o río Montaner. Dentro d'a parroquia tamién bi ha cuatro lacos: o laco d'as Truitas, o laco dels Forcats, o laco Montmantell y o laco Negro. D'a bechetazión de la Massana destacan as selbas de pinos, abets, abetoches, y caxicos. Ista parroquia tiene bellas d'as montañas más altas d'Andorra: o Comapedrosa (a gran muntaña, 2.942 m), o Medecorba, o Racofred, o pico del Pla de l'Estany y o de Sanfons, entre atros.
A suya economía dica mitá d'o sieglo XX se zentraba en a ganadería y l'agricultura, en iste caso, adedicata á lo cautibo d'a trunfa y d'o tabaco. Autualmén s'alazeta en o torismo, o comerzio y o seutor immobiliario.
[Editar] Enrastres esternos
