Zulu Nation
Us der alemannische Wikipedia, der freie Dialäkt-Enzyklopedy
D Zulu Nation isch en Organisation wo der Afrika Bambaata gründet hed, zum jungi Mensche vor Droge und Gwalt z beware.
Inhaltsverzeichnis |
[ändere] Idee
De New Yorker DJ Afrika Bambaataa isch schu als Kind uf d Idee kumme, ä Zulu Nation zu grynde. Anlass isch de Film Zulu mitm Michael Caine gsi, wue d afrikanisch Zulu Nation duerch Tapferkit un Zômmenhalt wiä Helde dargschtellt worre sin. Des isch in de 1960er Jôhre noch ugwöhnlich gsi.
[ändere] Umsetzung
Bis in d 70er Jôhr het sich de Afrika Bambaataa im Umfeld vun de Nation of Islam un de Street Gang Black Spades ufghalte. Ä Todesfall vun nem Freund bie nem Polizeiisatz het ne däzue brôcht, des zue yberdenke un etwas Bessres uf d Bei z schtelle. Gmeinsôm mit Weggfährte us denne Gruppe het er znächscht The Organisation gryndet, woruf winig schpäter The Universal Zulu Nation gworre isch.
S isch ä Musik-, Sozialdienscht- un Kunscht-Organistation, wue sich vorwiegend dem Hip Hop widme. D Mitglieder vun de Zulu Nation glaube ôn Freyhit, Grechtigkit, Wisse, Weishit un Vôschtändnis.
Siä btätige sich zuem Bispiel als DJs, Graffitikünschtler, Rapper, Breakdancer, Organisatore oder im Vertrieb vun ihri Platte un ähnlichem. Witerhin wirke s ôn Diskussionsvôanschtaltunge mit, wie sich mit de Ziele vum Hip Hop bfasse. So stihn sie direkt mit derre Kultur in Vôbindung.
[ändere] Chapter
De Erfolg vumHip Hop ab de 80er Jôhr het bwirkt, des diä Organisation nôch un nôch ebefalls weltwit bkônnt worre isch. So sin noch Zentrum in de New Yorker Bronx in voschiedeni Länder Zweygschtelle, diä Chapter, ufgmacht worre. Viele bekônnti Hip Hop-Personlichkeite sind dert Mitgliedar.
[ändere] Mitgliedar
Ä paar bkônnteri Mitgliedar sin Ice-T, Afrika Islam, De La Soul, Queen Latifah, Jungle Brothers, WestBam un Cora E.. 1985 het de Afrika Bambaata de Heidelbergar Rapper Torch zuem „König“ vum dytsche Chapters vun de Zulu Nation krönt.
