Virus (Radio)
Us der alemannische Wikipedia, der freie Dialäkt-Enzyklopedy
 |
Der Artikel beschäftigt sich mit emRadio Virus, anderi Bedütige vum Begriff Virus lueg bi Virus |
S' Radio Virus isch e Programm vom Schwiizer Radio DRS, wo speziell jungi Höhrer ("Zielgruppe 12- bis 24-Jöhrigi") söll aaspräche. Ursprünglig hätt's sölle DRS 4 heisse. Wil er nit über UKW kha empfange wärde, kämpft dr Sänder syt dr Gründig im 1999 mit schwache Quote. Allerdings könnt sich das no ändere, wil me jetzt dr Sänder au über Kabel, Satellit und DAB (Digital Audio Broadcasting) loose kha. Über's Internet existiere auch zwei mp3-Stream mit 64k und 128 k.
Aafangs Septämber 2005 wird e Neupositionierig vom Sänder aakündigt: vor allem dr Internet-Ufftritt söll vermehrt gnutzt wärde: es söll en Ufftritt gäh, wo vo dr DRS-Online-Redaktion in Bärn unabhängig isch, es wird e Playlischte mit Vorhör- und Ratingfunktione, Downloads und Fotene gäh. Gsändet wird denn nur no am Morge und ab de Fümfe am Nomidaag.
Dur die Umstrukturierig sölle 900.000 Frangge iigschpaart und s'Personal vo 16 uff neu 10 Vollzytschtelle reduziert wärde könne.
