Thomy Widmer
Us der alemannische Wikipedia, der freie Dialäkt-Enzyklopedy
De Thomy Widmer (geb. 15. Juli 19??) isch en Schwyzer Artischt und de Erfinder vo de populäre Chinderfigur Murmi. Bekannter isch er darum unter Geri S. Gwonder, em Namen, wo er i de "Murmi News" und in “Murmi´s Abenteuer” treit.
[ändere] Läbenslauf
Nach de Kantonsschuel (Typus D - neui Sprache) het er in St. GalleBetriebsökonomie schtudiert. De Widmer isch zum Multitalent worde und hat agfange, mit verschidnige Programm uufzträte - Füürschlucker, Living Doll, Schlangemänsch, Ballonmodullör, Stelzenries undsowiiter. Er isch es Mitglied vo de Gauklergruppe Pajazzo gsi. Anderersiits het er vili Aläss (neudüütsch: Events) i jedere Grössi organisiert, für Firme und privati Persone.
Sini Motivation, als Produzänt, Dreibuechautor und Darschteller für sini Murmi-Sändige z´schaffe, isch en grossi, tüüfi Freud und Luscht am Läbe. Er bezeichnet sich als optimistische Mänsch und glaubt as Gueti. Bym verfasse vo jedem Dreihbuech versucht er immer, d´ Wält us de unverdorbene Optik vo mene Chind z´ betrachte und die in Murmi ine z´ projeziere.
