Staatsform

Us der alemannische Wikipedia, der freie Dialäkt-Enzyklopedy

Dialäkt: Züridütsch (See)

D Herrschaftsform und in zweiter Linie d Organisation vo dr Herrschaftsuusüebig imene Schtaat bestimmed siini Schtaatsform.

D Schtaatsform laat sich au als d Antwort uf d Fraag „Wer herrscht?“ beschriibe. So definiert biischpiilswiis s Grundgsetz vo der Bunderepublik Düütschland d Schtaatsform mit em Satz Alli Schtaatsgwalt gaht vom Volch uus als Demokratie.

I dr Gschicht händ politischi Denker zahlriichi Typologien vo verschiedene Schtaatsforme entwicklet. Us dr Antike schtammt vom griechische Philosoph Aristoteles die klassisch Uufteilig in sechs Forme, Monarchie, Aristokratie, Politie und dene ihri entartete Pendants Tyrannis, Oligarchie und Demokratie. Dr italienischi Politiker und Historiker Niccolò Machiavelli hät zwüsched Elleiherrschafte (Autokratie) und Freischtaate (Republike) underschiede.

I dr Gegewart wird hauptsächlich zwüsched de Schtaatsforme vo dr Diktatur und dene vo dr Demokratie underschiede.

Bi de Diktature handlets sich vorwiegend um sich selber als Präsidente bezeichnendi Elleiherrscher (Autokrate) und um di absolute und di nöd parlamentarische, konschtitutionelle Monarchie.

Die Demokratie gliedered sich vorwiegend in parlamentarischi und präsidentiali Republike und in di modern parlamentarischi Art vo dr konschtitutionelle Monarchie. Kritiker vo dere Iiteilig wended ii, dass es sich bi viilne Demokratie in Würklichkeit um Oligarchie handlet.

Es isch au aazmerke, dass under Demokratie historisch, uusschliesslich die direkti Uusüebig vo dr Macht durs Volch verschtande worde isch. Hüt werded zur Bezeichnig vo dem aber meischt die (nöd ganz synonyme) Begriff Radikaldemokratie, Direkti Demokratie und Basisdemokratie gnutzt.

[ändere] Lueg au

• Lischte vo de Schtaatsforme
• Regierigsform
• Schtaatstheorie

[ändere] Literatur

• Alexander Gallus, Eckhard Jesse (Hrsg.): Staatsformen. Modelle politischer Ordnung von der Antike bis zur Gegenwart. Ein Handbuch. Böhlau Verlag, Köln, Weimar und Wien 2004, ISBN 3-412-07604-X