Pippal-Baum
Us der alemannische Wikipedia, der freie Dialäkt-Enzyklopedy
De Pippal-Baum (Ficus religiosa; Pappel-Fiige, Buddhabaum, Bodhibaum) ghört zu de Familie vode Muulbeergwächs (Moraceae). De Baum wachst ganz schnell und bildet Luftwurzle und chan öppe 30 Meter höch werde.
De Baum isch im Buddhismus hailig, well de nordindisch Königssohn Siddhattha Gotama unter aim vo dene Bömm im indische Ort Bodhgaya d Erlüüchtig erlangt het. Z Bodhgaya schtoht hüt e Nochkome vo dem Bomm. Well weret de Mogule-Zit die ganzi Tempelaalaag vernochlässigt worden isch, isch de alti Baum abgserblet. Jetzt het aber de indisch Kaiser Aschoka en Schösslig vom alte Bodhibaum vo Bodhgaya uf d Insle Sri Lanka brocht gha, und vo sebem Baum isch denn ebe wider en andere Schösslig zrugg uf Bodhgaya brocht worde und vo demm stammt also de hütig Bodhibaum ab.