Benutzer:Kilian

Us der alemannische Wikipedia, der freie Dialäkt-Enzyklopedy

[ändere] Motto

So, des bin ich. Ich chumm vo Chränzach (Grenzach) im Markgräflerland und wohn jetz aber scho sit acht Johr in Japan.

Mich gits au uf de Schriftdütsche Wikipedia muesch numme do druf klicke.

Wemmer emol d'Heimet verloh het und derno vieli Johr spöter wider heim cho isch, no weiß mer erscht wie heimelig s’Alemannischi eim dunke cha. Ich ha sicher im Usland s’eini oder anderi mol mit Landsmänner und -fraue gschwätzt, wenns aber numme uf Schriftdütsch isch no isch des für mi au nit vil andersch gsi, wie wenn i mit öbberem Englisch gschwätzt hätti.

S’het mi nüt eso aagheimelet wie woni emol e Schwitzer vo Koblenz troffe ha, mit dem i derno ha chönne schwätze, ganz so wie mer de Schnabel gwachsen isch. Und uf aimol isch mers ufgange, daß es Alemannischi für mi öbbis isch, wo bi mir neume ganz tiëf dinne ä Site aschloht, won i fascht vergesse ha. Und usserdem ischs Alemannischi e Stuck Heimet, wo mer zem Glück immer mit sich umetraage cha.

Und wege dem bin ich wirkli dankbar, für des Alemannischi Wiki do.