Gurmels
Us der alemannische Wikipedia, der freie Dialäkt-Enzyklopedy
| Wappe | |
|---|---|
 |
|
| Basisdate | |
| Chanton: | Frybùrg |
| Bezirk: | See/Lac |
| BFS-Nr.: | 2262 |
| PLZ: | 3212 |
| Koordinate: | 46° 54' n. Br. 7° 10' ö. L. |
| Höchi: | 542 m ü. M. |
| Flächi: | 17.21 km² |
| Iwohner: | 3441 (1. Januar 2005) |
| Websyte: | www.gurmels.ch |
| Charte | |
 |
|
Gurmus oder Gurmuz isch a teil vam Schwyzer Kanton Fryburg, genau gsiit isch Gurmus im gebiet va Dütschfryburg. Gurmus ( Pfarri ) het mengs hundert Jahr zu de alti Landschaft va Fryburg kört. 1848 na de nü organisation va de Schwyz, het o de Staat Fryburg sich nui strukture gä. I däm zämehang isch di alti Landschaft ufglöst cho u demit isch Gurmus im nüe Bezirk See zue töut cho.
D Bevöukerung va Gurmus red Fryburgerdütsch mit era betonig va nume z Gurmus brucht chunt. Das isch im ganze Dütschfryburg gang u gäbe, dass die verschiidene Dörfer ganz chlini underschiide hi, so das de kenner sofort merkt va wölum Dorf ebber chunt. Wi witer dischtanze zwüsche de Dörfer wi gröser de underschiid. So isch Gmiin Gurmus gäge ire wille im Seebezirk zuetöut cho. Di Region Gurmus het i der damalige zyt giing umhi probiert zum Sensebezirk z cho, will ali verbindunge uber jahunderte zu de Dörfer im Sensebezirk eng zäme gwachse u ser guet gsi si. Nume so näbebi, de gröschti tüu va de Pfarri Gurmus het zwüsche 1803 u 1848 zum Dütsche Bezirk kört mit de Stadt Fryburg als Houptort. Gmiin Gurmus bestiid hüt ( 2006 ) us de Dörfer, Courdast, Gurmus, Guschlemuet, Chligurmus, Liebischtorf, Monterschu u Wallebuch.
De Name Gurmus chunnt urscchprünglech usem authochdütsche Cormunt, was so vüu hisst wi "Der Hof des mundis". Mit de Zit het mu de Cormunt agfange Gurmuols u später Gurmus z säge. Mit däm Ursprung si aber nit alli Gurmuschianer zfrüde. Aune vora seit de aut-Vizeamman Odilo Bürgy Cormunt chämi usem Latinische "cors mundis" und bedütet z "Härz vo de Wäut". Am Bürgys Vater Bruno,langjähriga Amman vo de Gmiin, het das nahprüeft u siit, dass es guet möglich sigi, da es berets zum Zitpunkt wo d Römer i de Schwyz gsi sin a Sidlig det umenand ghäbe het.
De Gmiinrat vo Gurmus setzt sich hüt us fougende Lüüt zäme: Daniel Riedo(Amman), Therese Bieri, Georges Bouverat, Hans Renggli, Beatrice Burri u em Daniel Bürgi
