FC Sion
Us der alemannische Wikipedia, der freie Dialäkt-Enzyklopedy
Dr FC Sion ischt ä Schwiizär Füässballclub üs Sittu im Kanton Wallis. Är ischt zweifacher Schwyzer Meischter (1992 und 1997) und zähnfacher Göppsiegär.
Dr Klub ischt 1909 gigründut cho und spielt im Stade de Tourbillon (Kapazität 20 000 Züäschauer.) Darum plant öich dr Präsidänt Christian Constantin zur Ziit ä Neuiumbäu im Rüm Martigny.
Dr FC Sion ischt 2002 üs finaziellä Gründu va dr Nationalliga A in die Nationalliga B zwangsrelegiert cho. Är hett darüf vrzichtut und hett de friwillig in der 1. Liga gspielt. Nachdäm Christian Constantin in dr Summerpause Gilbert Kadji als Klubpräsidänten abglöst hett, hett är gikämpft für an Teilnahm an dr Challenge League. Schliässlich hett är sich chen durchsetzen und somit ischt de die Challenge League üf 19 Vereina üfgstockut cho. Jetzen spielt dr FC Sion mittlerwiil um ä Wiederüfstieg in d'Super League mit.