Donar
Us der alemannische Wikipedia, der freie Dialäkt-Enzyklopedy
Donar Donnergott bi de Südgermane.
Name : germ. *Þunraz "Donner"; an. Þórr; ae. Þunor; as. Thunaer; ahd. Donar. De Name ghört zu de indoeuropäische Wurzle (s)tenH2- "tonnere", vgl. lat. tonare. Nochem Donar isch de Dunschtig benennt.
De Donar isch de Donnergott bi de Alemane gsy. Er wird uf de Runespange vo Nordendorf gnennt als ᚹᛁᚷᛁᚦᛟᚾᚨᚱ Wîgi-Þonar ("Kampf-Donner" oder "Weihe-Donner") , zäme mitem Wuotan. Ganz interessant isch de alemanischi Pariser Sege 1, en Zauberspruch gege Fallsucht. De Sege foht a mit de Wort: Donerdutigo dietewigo ("Donner Vertraute, Volks-Kämpfer / -Weiher"), also aidütig en alte haidnische Aaruef vom Donnergott. Im St. Emmeraner-Sege lutet de Spruch Doner dutiger diet mahtiger.
Götter wo vo de haidnische Alemane verert worde sind: Wuotan, Frîja, Donar und Zîo.