Belp

Us der alemannische Wikipedia, der freie Dialäkt-Enzyklopedy

Bäup (oder Bälp) isch e Gmeind im Amtsbezirk Seftigen vom Kanton Bärn i dr Schwiiz. Dr Name Bäup (hochdeutsch: Belp) isch nid uf ei eidütige Ursprung zrückzuführe. 1239 isch Pelpa dokumentiert worde, dä Name isch keltischem Ursprungs u bedütet Cheri, Wändig und bezeichnet dr Ort, wo a're Cheri vom Fluss Gürbe ligt. Möglicherwise stammt d'Ortsbezeichnig aber us em gallo-romanischen Balbia, was Steilhang bedütet.

Bäup ligt am Igang vom Gürbetal, ungfähr 10 km vo Bärn entfernt Richtig Thunersee. Es verfüegt mit dr Aare-Auenlandschaft über es ir Schwiiz einzigartigs Naturschutzgebiet. Bi Bäup befindet sich dr Flughafe Bern-Belp.

Trotz sirer Nähi zu Bärn steut Bäup immer noch e eher ländlech prägti Gmeind dar. Am Bäupberg isch in de letschte Jahr die moderni Siedlig Riedli 2, in verdichteter Bouwise zur Schonig vo de Landresärve entstande. Die Siedlig het d'Fachlüt durch ihri moderni Konzeption überzügt. Vo de Bewohner wird di sonnegi Lag u d'Ruhe innerhaub vor Siedlig ufgrund em durchdachte Konzept sehr gschätzt.

[ändere] Gschicht

Gräberfund lö druf schliesse, dass d'Gägend vo Bäup bereits um 1200 v.Chr. besidlet isch gsi. Di erschti urkundlechi Erwähnig vo Bäup isch im Jahr 1107 gsi u d'Kirche vo Bäup wird 1228 erschtmauls im Kircheverzeichnis vom Bistum Lausanne ufgfüert. Uf dr Burg Hohburg, erbout 1125, hei d'Freiherre vo Bäup-Montenach residiert. Im Jahr 1298 kämpfte d'Freiherre a dr Site Freiburgs gäge d'Stadt Bärn u si i de Schlachte vo Dornbühl u Niederwangen gschlage worde. D'Freiherre hei nachhär Bäup a d'Stadt Bern abträte müesse. Mit em Ungergang vom alte Bärn, 1798, isch o d'Freiherrschaft vo Belp verlosche. 1803 isch Bäup Amtssitz des Amtsbezirk Seftigen.

[ändere] Literatur

• "Die Orts und Flurnamen der Gemeinde Belp", vom Fritz Burkhalter
• "Die Gürbe und ihr Tal", vom Hans Egger
• Bildband "100 Jahre Belper Dorfleben", vom Peter Wittwer
• "Die Geschichte des Mösli (Bern-Belp)", Neuauflage 1999 vom R. Ellwanger

[ändere] Weblinks

• Offizielle Website der Gemeinde Belp
• Artikel Belp im Historischen Lexikon der Schweiz

Koordinate: 46° 53' N 7° 30' O