Hamilton, Ontario
vanuit Wikipedia, die vrye ensiklopedie.
Hamilton in die provinsie Ontario is die tiende grootste stad van Kanada en 'n belangrike hawe aan die Ontariomeer met sowat 'n half miljoen inwoners.
Vroeg in die 19de eeu is Hamilton een van die kandidate wat meeding as die toekomstige hoofstad van Ontario. Alhoewel die stad uiteindelik nie gekies word nie, rig talle sakemanne en politikusse hier hulle landgoede op. Die bekendste is die Dundurn Castle met 35 kamers, die tuiste van 'n voormalige Eerste Minister van die provinsie.
Hamilton word later 'n sentrum van die yster- en staalnywerheid, alhoewel die dienstesektor vandag 'n al hoe groter rol speel. Bekende instellings in die stad sluit die vliegtuigmuseum Canadian Warplane Heritage, die Kanadese Football Hall of Fame en die Koninklike Botaniese Tuin (Royal Botanical Gardens) in.