Abakus

vanuit Wikipedia, die vrye ensiklopedie.

'n Abakus is 'n berekeningtoestel, dikwels saamgestel as 'n houtraam met krale wat gly op drade. Dit was in gebruik eeue voor die aanneming van die geskrywe Hindoe-Arabiese numeriese sisteem en is steeds wydverspreid gebruik deur handelaars en klerke in Sjina en elders.

Alhoewel die abakus dikwels toegeskryf word aan die Sjinese, blyk dit dat die abakus deur die Babeloniërs rondom 2400 v.C. uitgevind is. Die eerste abakus was amper sekerlik gebaseer op 'n plat klip gedek met sand of stof. Lyne is getrek in die sand en klein klippe gebruik om te help met berekenings. Hierdeur is 'n verskeidenheid van abakusse ontwikkel; die populêrste is gebaseer op die ?bi-quinary? sisteem, gebruik 'n kombinasie van twee basisse (basis-2 en basis-5) om desimale nommers te verteenwoordig.

Die gebruik van die woord abakus dateer terug na voor 1387 wanneer 'n Middel Engels werk die woord van Latyns geleen het om 'n sandbordabakus te beskryf. Die Latynse woord het van abakos gekom, die Griekse genitiewe vorm van abax ("bereken-tabel"). Omdat abax ook die begrip van "tabel gesprinkel met sand of stof, gebruik vir die teken van geometries{e} figure," het, is dit gespekuleer deur sommige taalkundiges dat die Griekse woord afkomstig mag wees van 'n Semitiese wortel, ābāq, die Hebreeuse woord vir "stof". Alhoewel besonderhede van dié afkoms obskuur is, mag dit ook afkomstig wees van die Phoenisiese woord abak, wat "sand" beteken. Die meervoud van abakus is abakusse.