மேளகர்த்தா இராகங்கள்

கட்டற்ற கலைக்களஞ்சியமான விக்கிபீடியாவில் இருந்து.

மேளகர்த்தா இராகங்கள் ச - ரி - க - ம - ப - த - நி என்ற ஏழு சுரங்களையும் கொண்டவையாகும். வித்தியாசங்கள் வேறுபாடுள்ள சுரங்கள் மாறுவதாலேயே ஏற்படுகின்றன.

இதை ஜனக இராகம், தாய் இராகம், கர்த்தா இராகம், சம்பூர்ண இராகம், மேள இராகம் என்ற பெயர்களால் அழைப்பர். ஜனக இராகங்கள் 72 ஆகும். இவற்றிலிருந்து ஜன்னிய இராகங்கள் தோன்றுகின்றன. 72 மேளகர்த்தாக்களும் 12 ஸ்வரஸ்தான அடிப்படையில் 16 பெயர்களுடன் அமைந்துள்ளன.

[தொகு] அமைப்பு

ஜனக இராகங்கள் 5 விதிகளைத் தழுவி அமைக்கப்பட்டுள்ளது. அவையாவன:

1. சம்பூர்ண ஆரோகணம் அவரோகணம்.
2. கிரம சம்பூர்ண அரோகண அவரோகணம்.
3. அரோகணத்தில் வரும் ஸ்வரஸ்தானங்களே அவரோகணத்திலும் வருதல்.
4. ஆரோகண அவரோகணம் அஷ்டகமாக அமைந்திருத்தல்.
5. மத்தியஸ்தாயி ஷட்ஜத்திலிருந்து மேல்ஸ்தாயி ஷட்ஜம் வரை ஸ்வரங்கள் ஒழுங்காகச் செல்லுதல்.

[தொகு] வரலாறு

மேளகர்த்தாக்களின் வரலாறு 17ம் நூற்றாண்டில் வாழ்ந்த வெங்கடமகி எழுதிய சதுர்த்தண்டிப் பிரக்காசிகை என்னும் நூலிலும் கோவிந்தாச்சாரியார் என்பவர் இயற்றிய சங்கிரக சூடாமணி என்னும் நூலில் இருந்தும் அறிய முடிகின்றது.

[தொகு] மேளகர்த்தா இராகங்களின் பட்டியல்

மேளகர்த்தா இராகங்களையும், அவற்றின் வகைகளையும், அவை உருவாகும் விதத்தையும் கீழேயுள்ள அட்டவணையில் காணலாம்.