Eamon de Valera

Tikang ha Wikipedia

Mayda impormasyon hini nga artikulo nga aada han Iningles nga bersyon nga angay ighubad ha Winaray

Éamon de Valera (1882-1975)

Hi Eamon de Valera (natawo nga Edward George de Valera, nga ha panalagsaon igin-Gaelic nga Éamon de Bhailéara; Oktubre 14, 1882 – Agosto 29, 1975), usa nga Irlandes nga politiko, nga kilalado komo usa nga namuno han pakigbisog han Irlandia para hin independensya tikang han Reino Unido han Gran Bretanya ngan Irlandia han una nga bahin han ika-20 nga siglo, ngan han Republikano patok-han-Tratado nga oposisyon han sinmunod nga Irlandes nga Gyera Sibil.

Ha magkalainlain nga panahon, hiya usa nga mathematician, magturutdi ngan politiko, nagsirbe hiya komo namumuno han Irlandes nga gobyerno hin tulo ka lain nga okasyon, komo ikaduha nga Presidente han Konseho Ehekutibo (orihinal nga pagtawag para han titulo han primer ministro) ngan an syahan nga Taoiseach (titulo para han primer ministro katapos han 1937). Nagtapos hiya han iya karera ha politika komo Presidente han Irlandia, nagsirbe hin duha ka panahon tikang han 1959 hantod 1973. Hi Eamon de Valera amo gihapon an Kansilyer han Unibersidad Nasodnon han Irlandia tikang han 1922 hangtod 1975.

Gintahod hiya ngan gindidiri hiya hin patas ha bug-os nga Irlandia, dida han buhi pa hiya ngan katapos han iya kamatayon, hi Eamon de Valera ginsisiring nga usa han mga impluwensyal nga mga tawo han kaagi han Irlandes han ika-20 nga siglo.