Cifal
From Wikipedia
Cifal binon cif löpikün Volapükanas vola valik. Statuds nulikün cifalama päpubon in Volapükagased pro Nedänapükans yela: 1934, nüm: 4. Ma statuds at, cifal muton dakipön baläti Volapüka e baläli bevü Volapükans valik tala, ed i steifön pro dasum Volapüka as kosädamedöm bevünetik. Cifal kanon lonülön mesülis valik, kels cedü om binons zesüdiks pro zeils at. Cifal binon leigüpo i dilekan Kadäma Volapüka ä presidan Feda Volapükaklubas.
[redakön] LISED CIFALAS
1. Johann Martin Schleyer, datuval Volapüka (1879 mäzul 31 - 1912 gustul 16)
2. Prof. Dr. Albert Sleumer (1912 gustul 16 - 1948 gustul 16) (stimacifal sis 1949 prilul 1)
- Dr. Arie de Jong, cifal nelaidüpik (1947 yanul 15 - 1948 yanul 1)
3. Jakob Sprenger (1948 gustul 16 - 1950 yunul 8)
- J. G. M. Reynders Sr., vicifal cifali äpladulöl (1950 mayul 22 - 1950 yulul 19)
4. Johann Schmidt (1950 yunul 8 - 1977)
- Dr. Arie de Jong, cifal nelaidüpik (1950 dekul 21 - ??)
5. Filippus Johann Krüger (1977-1984)
6. Brian Reynold Bishop (1984-)
[redakön] VEÜT CIFALAMA
Cifalam, as dil dinitaleoda Volapükamufa, päjafon fa el J. M. Schleyer. As datuval Volapüka, el Schleyer älabom gitäti ad binön cifal balid Volapükanefa.
[redakön] Literat
Bishop, Brian R. 1998. La „ĉifaloj“ de Volapük. In: Menade bal püki bal. Festschrift zum 50. Geburtstag von Reinhard Haupental. Festlibro por la 50a naskiĝ-tago de Reinhard Haupenthal. Saarbrücken: Edition Iltis.
