Kilowattime

Frå Wikipedia – det frie oppslagsverket

Kilowattime er ein eining med symbol kWh for å måle energi. Eininga tilsvarar bruken av ein kilowatt (kW) med kraft i ein time. Ettersom watt er ei mengd energi over eit tidsrom (joule per sekund), kan ein gange det med tidsintervallet for å få energimengda (1 J/s × 1 s = 1 J).

Kilowattimen er ein mykje nytta eining for elektrisk energi, ettersom den kan vere enklare å forstå i ein praktisk kontekst enn den eigentlege SI-eininga for energi, joule, som igjen tilsvarar eitt wattsekund (W·s). Joule er ein relativt liten eining som fører til store tal når den vert nytta.

[endre] Multippeltabell

Multipp	Namn	Symbol		Multipp	Namn	Symbol
100	wattime	Wh
103	kilowattime	kWh		10–3	milliwattime	mWh
106	megawattime	MWh		10–6	mikrowattime	µWh
109	gigawattime	GWh		10–9	nanowattime	nWh
1012	terawattime	TWh		10–12	picowattime	pWh
1015	petawattime	PWh		10–15	femtowattime	fWh
1018	exawattime	EWh		10–18	attowattime	aWh
1021	zettawattime	ZWh		10–21	zeptowattime	zWh
1024	yottawattime	YWh		10–24	yoctowattime	yWh

[endre] Samanlikningar

• 1 kW·h = 3,600,000 J
• 1 W·h = 3,600 J
• 1 W·s = 1 J
• 1 W = 1 J/s

Ei 60 watts lyspære nyttar 60 watt med kraft. Dette er det samme som 60 J per sekund eller 216 000 J per time eller 60 W·s per sekund eller 60 W·h per time.

Forholdet mellom kraft (P), energi (E) og tid (t) er gitt ved formelen:

E = P · t

Dersom vi nyttar SI-einingar:

P vert målt i watt

t vert målt i sekund

E vert målt i joule

Dersom vi reknar på elektrisitetsforbruk:

P vert målt i kilowatt

t vert målt i timar

E vert målt i kilowatttimar

[endre] Bruk i elektrisitetsnæringa

Kilowattimen vert mykje nytta for å fakturere bruk av elektrisitet, sjølv om mange går over til å bruke megajoule (MJ) i staden. På grunn av dette er kilowattimemeter (elektrisitetsmålar) installert i mesteparten av bygningane i verda med straum.

I land der ein nyttar naturgass, hender det at ein konverterer kaloriane (energimengda) til gassen til kilowattimar.

I Noreg vert straumprisar vanlegvis oppgitt i øre per kilowattime.