Mythologie
Van Wikipedia
Mythologie is de studie nao 't gans lichaam vaan mythes en legendes tot 'n zeker civilisatie kint. Ouch weurt de term mythologie gebroek veur 't complex vaan mythes en legendes zelf.
'n Mythe moot aon e paar eise voldoon. Einerzijs moot ze irrationeel zien in 't leech vaan de weitesjappelike methode, aanderzijs moot de mythe 'n verklaoring zien veur 't oontstoon vaan de wereld of veurnaom zake in de wereld, en mèt ander mythes oet dezelfde mythologie e complex vörme. Zoe weure vaan mythes oondersjeje:
- allegorieë, die metaferisch gemeind zien es illustratie vaan de realiteit, en neet letterlik genome weure;
- spreukskes, völsverhaole dee gemeinlik gein betrèkking höbbe op 't oontstoon vaan de wereld meh väöl mie 'n literair functie höbbe;
- legendes, die euver historisch persone of stei goon en alwier neet euver 't oontstoon vaan fundamenteel zake
- sages, mie get wie legendes,
- fictie, bewös bedoeld veur neet wäördelik opgevat te weure en gemeinlik veur oontspanning gesjaope;
- historiesjrieving, al dan neet geromantiseerd, die teväöl weitesjappelike accuratie en veural neet wied genoog in 't verleje ligke.
De meiste volker, es 't neet alle zien, höbbe 'n mythologie of höbbe ein gekind. In de christelike besjrijving zien de ierste sjapiters vaan Genesis mythisch. De res vaan de Biebel is of wel historisch (wie de book 1Keuninge en 2Keuninge), of legendarisch (wie Exodus), of lyrisch (wie 't Hoegleed) of wel sumpelweeg instuctief of filosofisch (wie Spräöke). In de meiste religies heet mythologie 'n plaots; gemeinlik heet die de religies die es hoeg-oontwikkeld weure gezeen meender importantie es in de primitief religies.
Veur us bekinde mythologieë zien de Griekse mythologie en de Germaanse mythologie.
