Trúarbrögð
Úr Wikipediu, frjálsa alfræðiritinu
Trúarbrögð eru mjög vandskilgreint fyrirbæri. Ein skilgreiningin er sú að trúarbrögð séu trúin á eitthvað yfirnáttúrulegt eða heilagt og siðfræði, venjur og stofnanir tengt þeirri trú. Meðal víðari skilgreininga er sú að trúarbrögð séu skýring á sambandi mannsins við alheiminn sem hann þrífst í. Trúarbrögð geta verið allt frá stórri skipulagðri stofnun eins og kaþólsku kirkjunni (sem byggir á eingyðistrú, rithefð og sterku félagslegu skipulagi) til trúarbragða ýmissa ættbálka í Afríku og Ástralíu (sem eru fjölgyðistrúar, byggja á munnlegri hefð og hafa yfirleitt fremur óformlegt skipulag) til þeirrar trúar að ekkert guðlegt afl sé til (guðleysi, sem má ekki rugla við trúleysi). Með fullri vissu má þó segja að flest trúarbrögð trúi á eitthvert form af guði eða skyldu afli.
[breyta] Fjölmennustu trúarbrögð heims
Fimm fjölmennustu trúarbrögð heims eru eftirfarandi (tölurnar eru fjöldi fylgjenda):
- Kristni - 2,1 milljarður
- Rómversk-kaþólska - 1,1 milljarður
- Rétttrúnaðarkirkjan - 240 milljónir
- Mótmælendur - 350 milljónir
- Biskupakirkjan - 84 milljónir
- Íslam - 1,4 milljarðar
- Trúlausir og guðlausir - 1,1 milljarður
- Hindúismi - 900 milljónir
- Hefðbundin kínversk trúarbrögð - 394 milljónir (Í raun ekki ein trúarbrögð, heldur samsafn ýmissa)
Séu trúlausir og guðlausir ekki taldir saman sem ein trúarbrögð er í fimmta sæti búddismi með 376 milljónir fylgjenda.
