Taŭro (konstelacio)

El Vikipedio

Taŭro
Latina nomo	Taurus (genitiva Tauri)
Mallongigo	Tau
Imagata bildo
Observaj datumoj (Epoko 1875.0)
Rektascensio	3h 17m 0s ... 5h 53m 0s
Deklinacio	-1° 45' 0" ... 30° 40' 0"
Areo	797 kvadrataj gradoj
Rango laŭ la areo	17
Najbaraj konstelacioj	Koĉero, Perseo, Ŝafo, Baleno, Eridano, Oriono, Ĝemeloj
Enhavo
Kvanto de steloj de videbla magnitudo < 3	4
Videbla magnitudo de la plej hela stelo	0,9
Videbleco
Latitudoj de almenaŭ parta videbleco	-90° ... 90°
Latitudoj de plena videbleco	-60° ... 89°
Tempo de jaro de la plej bona videbleco	Januaro
Historio
Unua priskribo	Ptolemeo
Jaro de unua priskribo
Verko, en kiu ĝi estis priskribita
Postaj ŝanĝoj

Taŭro aŭ Virbovo (t.e. taŭro, latine Taurus) estas konstelacio de tera ĉielo de la zodiako.

[redaktu] Astrologio

Laŭ la astrologiistoj naskituloj de ĉiu zodiaka signo havas karakteron propran je tiu signo. Jen laŭ ili la personeco de la « Virbovuloj »

• virinoj :

• viroj:

Korpo kaj sano

Li estas ĝenerale larĝekonstruita, kun aĝo formiĝas ventro iom elstaranta, la vizaĝo havas rondajn liniojn, ronda nazo, plenkarnaj frandemaj lipoj, okulo borderita per longaj okulharoj, ankaŭ manoj estas dikaj kaj karnaj, la kolo larĝa. Li estas el tero kaj sensa, li bezonas tuŝi, palpi ; la voĉo estas kolora, muzika ; Sentiĝas en li spuron de maldelikateco. Lia sano estas solida, li havas fortan laborpovon, sed faras ĉion kun malrapido, kaj ŝparo, sobre. Sed li samtempe malemas sporton, kaj tio ofte evidentiĝas manko al lia sano. Li ankaŭ devus lukti kontraŭ sian emon al tro riĉe manĝi. Tamen, se li eskapas el troa sangopremo, li povas iĝi vigla kaj solida maljunulo, la amo al vivo, kvieto memcerteco ekvilibras lin, kaj al li taŭgas respekti la ritmojn de naturo kaj vivi en la kamparo, kiu pli bone resanigas lin ol ĉiaj artaj kuraciloj.

Kiel li reagas ?

Li ŝatas belon, amas plezurojn, kaj « fakule » aprezas ilin, li ĉerpas el simplaj aferoj profundajn ĝojojn, kaj li scias eventuale kontentiĝi per la esenca, lasante la superfluan. Estado feliĉigas lin, kaj li ne sindemandas metafizikajn demandojn. Ve al tiu, kiu malutilis al li ! aŭ al lia patro, aŭ avo: lia venĝemo neniam estingiĝos. Lia plej granda malvirto estas eble lia posedemo, li havas instinkton proprietulan: „lia“ edzino, „lia“ domo, „lia“ mono, „lia“ iniciato estas plej karaj. Kvankam lia varmkora aspekto, li estas fakte sufiĉe sekretema, li ne fidas al la novrenkontito, li atendas de aliuloj, ke ili estu elplruvitaj. Li pripensas decidojn, sed elektinte li neniam retropaŝas; persistemo, malcedemo estas samtempe al li forto, kaj lia malforto. Li tamen havas solidan intelekton kaj kapablon al solidajn sintezoj; neniam li soras en nuboj, li restas surgrunde konkreta, prudenta, singarda. Mono estas grava, kaj la bezono pri sekureco.

Je kio li taŭgas ?

Por negocoj plej ofte. Li havas virtojn pri organizokapablo, praktika sagaco, realosento, kaj ne lasas sin facile emocii de la problemoj de aliuloj. Li defendas la proprajn interesojn, kaj estas fojfoje riproĉita ke en li mankas malavaro. Li ankaŭ estas lerta al libertempaj manlaboroj, li interesiĝos pri arĥkitekturo aŭ urboscienco, Pro lia logo al tero li taŭgas al terkultivado, esploro pri sterkoj.

Kiel li amas ?

La virbova, amante la vivon, amas ankaŭ amon, kaj amoron. Tiu ĝuema malestimas la « fuŝulojn », kiuj ne diligente klopodas por doni al virino ĉiom la plezuron, kiun ŝi atendas. Li ludas ŝin kiel oni ludus violonĉelon ; kun fervoro efikeco, dankemo. Dum la junaĝo li papiliumas iom, kun avido kaj scivolemeo malsatigeblaj. Kaj iam li decidas konstrui, fondi hejmon. Kaj tiuteme li malŝercas. Lia edzino, liaj infanoj, estas sanktegaj liaokule. Li faras sian elekton kun atento, li pezas avantaĝojn kaj malavantaĝojn, poste decidiĝas. Se estas baroj, li disbatas ilin. Li ja baraktas por meriti sian feliĉon, kaj atendas ke li estos pagita interŝanĝe. Li estas kunvivofacila, babilriĉa kuntablano, gajigulo, parolema en liaj plenfeliĉaj momentoj, kiam li estas ĉetable, ke bonas kunularo kaj vino bone fluas. Sed kiam li estas malbonhumora, aŭ paŭtas, pli bone ne provi aliri lin, atendi, kaj elpaŝi la unuan paŝon kiam li komencos malstreĉiĝi.

Konstelacioj de zodiako

Ŝafo Taŭro Ĝemeloj Kankro Leono Virgo Pesilo Skorpio Sagitario Kaprikorno Akvisto Fiŝoj

Ankaŭ konstelacio Serpentisto enhavas parton de zodiako, tamen tradicie ĝi ne estas inkluzivita en zodiakaj konstelacioj.