Ĉefepiskopo de Canterbury
El Vikipedio
La ĉefepiskopo de Canterbury (angle Archbishop of Canterbury) estas la spirita estro de la Eklezio de Anglio. La nuna ĉefepiskopo estas Rowan Williams, kiu obtenis tiun oficion en 2003.
Hodiaŭ, la ĉefepiskopo de Canterbury ĉefe zorgas pri tri aferoj :
- Li estas la episkopo de la diocezo de Canterbury, kiu kovras la orientan parton de Kent kaj la nordorientan parton de Surrey. Fondita en 597, ĝi estas la plej malnova episkopuko de la Eklezio de Anglio.
- Li estas la metropolito de la provinco de Canterbury, kiu kovras la du plejsudajn trionojn de Anglio.
- Kiel primaso de la tuta Anglio (Primate of All England), li estas la plej grava religiulo de la Eklezio de Anglio. Li havas gravan rolon dum kelkaj ceremonioj, ekzemple la reĝaj kronigoj. La brita reĝo restas tamen la oficiala estro de la Eklezio de Anglio.
