Вікіпэдыя:Пагадненьні па назвах артыкулаў
Зьвесткі зь Вікіпэдыі — вольнай энцыкляпэдыі.
Пагадненьні па назвах артыкулаў — не абавязковыя, але вельмі пажаданыя правілы, згодна з якімі трэба ствараць загалоўкі артыкулаў. Калі прытрымлівацца сыстэматычнага падыходу да назваў, гэта палягчае стварэнне спасылак паміж артыкуламі, памяньшае колькасьць рэдырэктаў (пустая старонка, якая зьмяшчае толькі спасылку на іншую старонку, дзе ўжо знаходзіцца сам артыкул).
Зьмест |
[рэдагаваць] Агульныя
- Першая літара назвы - вялікая. Астатнія словы (калі ў назьве іх некалькі) - з малой (за выключэньнем уласных імён, натуральна) праз прагал, гл. напрыклад: Як ствараць артыкул.
- Назоўны склон, адзіночны лік. Акрамя выпадкаў, калі слова мае толькі множную форму, калі мае сэнс адрозьніць артыкул пра адзін аб'ект і пра сукупнасьць, групу аб'ектаў.
- Замежныя імёны, назвы пажадана падаваць у беларускім напісаньні (Уладзімір Жырыноўскі, а не Владимир Жириновский). Калі няма агульнапрынятага беларускага адпаведніка, можна пісаць арыгінальную форму, але на пачатку артыкулу (у дужках) пажадана даць прыклад вымаўленьня: Linux (лінукс).
- Калі назва адпавядае некалькім (розным) сэнсам, зьявам, аб'ектам - варта стварыць адну абагульняючую старонку з гэтай назвай, і пералічыць там спасылкі на больш дэталёвыя. Назвы такіх складаюцца з агульнай назвы плюс удакладненьне ў круглых дужках. Напрыклад, агульны артыкул: Сыстэма можа спасылацца на Сыстэма (палітычная), Сыстэма (роўнасьцяў), ігд.
- Назвы артыкулаў пра нейкі твор - без двухкосся і без удакладняльнага слова: Песьня пра зубра, а не паэма Песьня пра зубра і не "Песьня пра зубра".
- Ня трэба закладаць у назву гіерархію паняткаў, напрыклад: Беларуская зборная па хакею, а не Беларускі хакей: зборная.
- Ня трэба ўжываць у назве розных службовых сымбаляў, як: |, *, &, +, {, }, [, ].
[рэдагаваць] Асобныя выпадкі
[рэдагаваць] Даты
- Дзень: 21 кастрычніка.
- Год: 2004. Год да нашай эры - з знакам мінус: -123.
- Дзесяцігодзьдзі: 1990-я.
- Стагодзьдзі арабскімі лічбамі: 20 стагодзьдзе.
[рэдагаваць] Імёны
- Папы, імпэратары, каралі: Ян Павал II, Пётар I, Карл XII - нумар рымскім лікам.
- Уласныя імёны:
- Імя Прозьвішча
Калі існуе артыкул пра асобу ў адным фармаце, магчыма стварыць рэдырэкт-старонку з назвай у іншым фармаце.
[рэдагаваць] Абрэвіятуры
Асноўны артыкул зьмяшчаецца на старонцы з разгорнутай назвай, а на старонцы з адпаведнай абрэвіятурай робіцца перанакіраваньне на асноўную. Прыклад: БНР і Беларуская Народная Рэспубліка.
