Ophiuchus

De Uiquipedia

Ophiuchus

Abreviatura	Oph
Significáu	el serpentariu
Xenitivu	Ophiuchi
Ascension Reuta	17 h
Declinación	0°
Visible pa llatitúes	Ente+80° y -80°
Meyor visible en/n'	xunetu
Númberu d'estrelles con magnitú aparente < 3	5
Estrella más rellumante - Magnitú aparente	Ras Alhague (α Ophiuchi) 2,1
Lluvia de meteoritos	Ofiuchidas de mayu Ofiuchidas septentrionales de mayu septentrionales Ophiuchidas de mayu meridionales θ ophiuchi
Constelaciones que llendan	Hércules Serpens Caput Llibra Escuripión Saxitariu Serpens Cauda Aquila Scutum

Ophiuchus (el serpentariu, el que lleva la sierpe; ou Ofiucu) ye una de las trelce constelaciones del zodiacu, malque ye la única que nun tién asociáu nengún signu zodiacal; asina mesmo ye una de las 48 orixinarias que noma Toloméu). El cuerpu del serpentariu divide la constelación en dúas, Serpens Caput y Serpens Cauda, dambas consideradas davezo como una sola constelación.

[editar] Carauterísticas

Las estrellas más rellumantes d'Ophiuchus son α Ophiuchi, Ras Alhague y λ Ophiuchi, que ye una estrella triple. Nesta constelación allúgase la Estrella de Barnard, una de las cuatro estrellas más averadas al nuesu sol.

[editar] Oxetos nel cielu fondu

Ophiuchus contién numberosos enxemes estelares como IC 4665, NGC 6633, M9, M10, M12, M14, M19, M62, M107, e la nebulosa IC 4603-4604. Tamién ta nesta constelación la rara galaxa doble NGC 6240.

[editar] Hestoria

Esta constelación, de posible orixen exipciu, ye conocida dende antigo, y ye una de las 48 constelaciones ditas por Toloméu; ta los romanos chamórunla Serpentarius. La esplosión d'una supernova el 10 d' ochoobre de 1604 averada a θ Ophiuchi, fixo que, tres columbrala, Johannes Kepler espublizara los resultaos na súa obra De stella nova in pede Serpentarii. Galileo emplegóu esta curtia aparición como preba contra'l aristotélico de la inmutabilidá del cielu.

[editar] Mitoloxía

Esta constelación ta presente como representación d'Asclepiu, fíu d'Apolu, que fou mélicu de tala bondá y de gran esperiencia, qu'a la súa muerte Zeus decidíu concede-y l'honor de tar nos cielos so la constelación d'Ophiuchus. Amás la sierpe en muitas culturas ye la representación de la melecina, como por exemplu anguaño simbolizamos esta ciencia (y tamién la farmacéutica) col caducéu

[editar] Astroloxía

Al igual que las outras dolce constelaciones, Ophiuchus, ta na eclíptica y por embargo nun y correspuende nenguna de las estayas d'igual tamañu nas que se divide'l cielu, por tanto ye la única que nun tién asociáu un signu astrolóxicu.

Astronomía | Constelaciones del Zodíacu | Astroloxía